“Ai ishte tashmë në listën e trajnerëve tanë dhe u sugjerua gjithashtu nga algoritmi në të njëjtën kohë, duke konfirmuar cilësinë e profilit të tij. Xerbini ishte një propozim nga unë dhe Kastanjini. Ne e vlerësuam atë nga softueri dhe algoritmi konfirmoi me të dhëna jashtëzakonisht pozitive se ai është një lojtar i nën-shfrytëzuar në krahasim me potencialin e tij”, është shprehur Mauricio Stirpe./Sport Ekspres/

“Nga respekti për institucionet, Federatën dhe të gjithë personat e përfshirë, deri më tani kam zgjedhur të hesht, por pasi mësova mbrëmë se nuk jam më kandidat për stolin e ekipit kombëtar italian, mendoj se është e nevojshme të sqaroj disa aspekte.

Në ditët e fundit kam qenë dëshmitar me hidhërim të madh i debatit që është zhvilluar rreth emrit tim dhe mundësisë së mbulimit të rolit të trajnerit të ekipit kombëtar italian. Gjatë karrierës sime, së pari si futbollist dhe sot si trajner, gjithmonë e kam kryer aktivitetin tim në respekt të plotë të ligjeve të vendeve në të cilat kam punuar dhe kontratave që kam nënshkruar.

Bashkëpunimi profesional që është objekt i polemikave të fundit lindi si pjesë e karrierës sime në Emiratet e Bashkuara Arabe dhe është ekskluzivisht i një natyre tregtare dhe sportive. T’i japësh këtij bashkëpunimi një kuptim politik do të thotë t’i atribuosh vetes bindje që nuk i kam shprehur kurrë dhe që nuk më përkasin mua.

Dua të falënderoj Maldinin dhe Leonardon për respektin dhe besimin që më kanë treguar. E di kompetencën e tyre, seriozitetin e tyre dhe dashurinë që i kanë kushtuar gjithmonë futbollit italian. Më vjen keq që një zgjedhje me natyrë sportive u zvarrit shpejt në një përballje publike që përfundoi duke i atribuar personit tim kuptime dhe qëllime që nuk më përkasin mua.

Dashuria për Italinë nuk varet nga një detyrë. Është pjesë e historisë sime, e identitetit tim dhe do të vazhdojë të më shoqërojë, gjithmonë”, ka reaguar Andrea Pirlo./Sport Ekspres/

Bashkëpunimi i Andrea Pirlos me një kompani bastesh ruse ka bërë që Federata t’i heqë mundësinë e të qenurit trajner i Kombëtares “axurre”. Sigurisht që një verdikt i tillë ka shkaktuar debat të gjerë, pasi një pjesë e mirë janë të mendimit se politika nuk duhet të ndikojë në sport /Sport Ekspres/

Megjithatë ky gol ishte i veçantë për vetë Dakun. Ky i fundit po shkruan emrin me gërma të arta në historinë e Rubin Kazanit. Tashmë ai ka arritur kuotën e 37 golave me fanellën e klubit rus, po aq sa Bukarovi. Ndërkohë vetëm 2 lojtarë të tjerë në historinë e Rubinit kanë shënuar më tepër gola se sa Mirlind Daku./Sport Ekspres

Por raundi i dytë shfaqi një panoramë krejtësisht tjetër. Kristian Prenga nuk lëshoi asnjë grusht të rrezikshëm drejt kundërshtarit, madje la hapësirë për t’u goditje. Joshua e shfrytëzoi këtë situatë dhe arriti ta hidhte “knock out” 35-vjeçarin. Pas duelit, ish-kampioni i botës kërkoi të sfidonte Fury-n. Pikërisht kjo ka ngritur edhe dyshime në rrjetë. Një pjesë e mirë e opinionit publik akuzon për një trukim të mundshëm.

Sipas këtyre hipotezave, Prenga shqetësoi organizatorët arabë dhe promotorin e Joshuas, të cilët i kanë kërkuar të ulte ritmin në raundin e dytë. Prenga ndaloi së sulmuari britanikun, teksa është parë që shpesh të kalonte vështrime nga stafi përpara se të binte “knock out”. Në këtë mënyrë Joshua do të siguronte një rikthim të bujshëm dhe do të mund të thërriste Fury-n në një duel. Një përplasje Joshua-Fury pritet prej kohësh dhe nëse ndodh, atëherë do të jetë një event që do të gjenerojë mjaft të ardhura për të gjitha palët e përfshira./Sport Ekspres/

Vendasit kaluan në avantazh që në minutën e tetë me Zelimkhan Bakaev dhe kontrolluan pjesën më të madhe të takimit. Megjithatë, Akhmat nuk u dorëzua dhe vazhdoi të kërkonte golin e barazimit deri në minutat e fundit.

Momenti vendimtar erdhi në minutën e 83-të, kur Erald Maksuti u gjend në vendin e duhur brenda zonës dhe dërgoi topin në rrjetë, duke vulosur rezultatin 1-1. Goli i sulmuesit shqiptar i siguroi skuadrës së tij një pikë të rëndësishme në nisje të kampionatit dhe konfirmoi formën e mirë që ai po kalon.

Përveç golit, Maksuti zhvilloi një paraqitje shumë pozitive, duke qenë vazhdimisht i rrezikshëm për mbrojtjen kundërshtare, pavarësisht se erdhi nga stoli. Ai tregoi lëvizje të zgjuara, luftoi për çdo top dhe u shpërblye me golin që ndryshoi fatin e ndeshjes.

Ky realizim është një sinjal i fortë se sulmuesi shqiptar synon të jetë një nga protagonistët e Akhmat Grozny gjatë këtij sezoni, ndërsa tifozët shqiptarë shpresojnë që ai të vazhdojë me të njëjtin ritëm edhe në javët në vazhdim. /Sport Ekspres/

? Erald Maksuti scored in his first match in Russia, just five minutes after coming on as a substitute!

I’m really looking forward to seeing how the 22-year-old gets on at his first club abroad. pic.twitter.com/Tk6EYL9YtJ

— Albanian Football Scout ?? (@FootballAlbXI) July 26, 2026

Pasi mori bukur një top nga brenda zone, Tim Civeja e dërgoi topin në cepin e portës, atje ku për portierin e Interit ishte e pamundur që të reagohej. Pasi këtij goli të shënuar, Interi reagoi në fund me dy golat e Diouf. Ndërkohë mesfushori 24-vjeçar ka qenë pjesë e disa ndeshjeve me Shqipërinë U-21, por nuk ka debutuar ende me Kombëtaren A. /Sport Ekspres/

Tim Civeja from Karlsruhe just scored against Inter Milan. ??

Asllani isn’t even on the bench at Inter. pic.twitter.com/OHmI3nQmVg

— Albanian Football Scout ?? (@FootballAlbXI) July 26, 2026

Nuk ka më lekë për sportin, përveç “pensionit-buxhetor” vjetor për federatat sportive. 4 milionë eurot e Kayne Uest, kanë qenë fundi për sportin, në të gjitha prioritetet e tij, për një alokim të mundshëm financimi, kërkuar së fundmi nëpërmjet Ministrisë përkatëse nga federatat sportive dhe KOKSH. Qeveria shqiptare e hodhi poshtë dhe nuk e mori aspak në konsideratë këtë kërsë-alokimi të buxhetit, por indirekt ftoi një komunitet të tërë sportiv që në vijimësi ti bashkohet Bulevardit të Flamingove, pasi hodhi poshtë me refuzim spektakolar aktin normativ kërkues të jo pak institucioneve të sportit për rishikim të Buxhetit. Nga futbolli, te KOKSH, nga mundja te skitë, nga ekipet sportive te Lojërat Mesdhetare e deri te mungesa e stopimi i fondeve për infrastrukturën e Europianit U-21, për të shkuar deri te shpërblimet e medaljeve të sportistëve medalierë në kompeticionet europiane, të marra, por të padhëna ende.

Qeveria nuk e gjykoi të udhës këtë propozim, duke mos I hapur rrugë miratimit të aktit normativ. Mesa duket Lekët “kishin mbaruar” kohë më parë me koncertin e Kayne Uest (4 milionë euro), apo edhe te financimi i Padelit (2.2 milionë euro). Edi Rama dhe Qeveria e tij, nuk e hodhi këtë hap për një shtesë të mundshme (me akt normativ) në buxhetin e shtetit për sportet. Arsyet I di vetëm ai, në mos ai, korraca burokrate poshtë tij që i kanë argumentuar se pse sportit duhet t’i mbyllet rubineti i oksigjenit financiar që kërkon. Njëherësh Ministria nuk ka përfshirë më këtë kërkesë Lojërat Olimpike Mesdhetare që pritet të mbahen këtë gusht në Taranto, por edhe vazhdimin e projektit “Ekipet Sportive” që ka qenë “bizhuja” e vetë Ramës që në startin e tij.
Koncerti i shifrave të frikshme i ka dhënë një grusht të madh sportit në vend, por njëherësh ka rritur pritshmëritë për ti sjellë në Bulevard shumë shpejt një masë të madhe sportive, së cilës Qeveria Shqiptare i mbylli derën, për të mos lënë një dritë jeshile, apo qoftë edhe një mundësi dakordësimi, në mënyrë që eventet e planifikuara të mos I vrasin federatat përkatëse, por ta gjejnë suportin e shtetit edhe më vonë. Draft-Akti është kaluar në sirtarin e qetësisë së “ruajtjes” së parasë publike nga “gllabëruesit” që duan ta marrin. E teksa për një koncert u zunë “me grushta” se kush do e conte i pari në Qeveri kërkesën për alokim fondi, për sportin përgjigja ishte e qartë: Mu hiqni sysh, se nuk ju llogaris fare!

Por çfarë konkretisht është kërkuar dhe është rrëzuar në Aktin Normativ:

1. Kampionati Europian UEFA U-21 në Shqipëri –
Vlera e kërkuar: 300.000.000 leke, dhe ky fond kërkohet për vijimin e investimeve dhe detyrimeve infrastrukturore.

2. World Football Summit Tirana (Samiti Botëror I futbollit ne Tiranë)
Vlera e kërkuar: 40.000.000 lekë – Një aktivitet që pritet të sjellë deri në 500 pjesëmarrës ndërkombëtarë në Tiranë, ku vetë FSHF do të shtojë pjesën e 10.000.000 lekë për këtë event. Me këtë bllokim humbet mundësia e organizimit të një eventi global në Tiranë, e ekspozimit mediatik, si dhe diplomacisë sportive.

3. Shpërblimet për sportistët e nivelit të lartë dhe trajnerët
Vlera e kërkuar: 40.000.000 lekë – Kjo kërkesë është një detyrim I lidhur me kuadrin normativ ekzistues, si edhe me rezultatet konkrete të sportistëve në kompeticionet ndërkombëtare. Ky bllokim çon direct në moszbatimin e VKM-së nr.789/2021

4. Lojërat Mesdhetare 2026 në Itali
Vlera e kërkuar: deri ne 30 milionë lekë të reja – Kërkesa bëhet për përgatitjet e ekipit sportive shqiptar për mesdhetaret e futbollit, që planifikohej të ishte deri në 150 persona, dhe tashmë me mosmarrjen në konsideratë të kërkesës në bllok, do të reduktohet ndjeshëm deri në 100 persona. (e papwrfshirw nw project-alokim fondi)

5. Federata Shqiptare e Skive
Vlera e Kërkuar: 50.000.000 lekë – Kjo kërkesë lidhet për sezonin sportiv 2026-2027, si dhe pjesëmarrjen e ekipit kombëtar në aktivitetet ndërkombëtare të skive alpine, përfshirë lojërat Olimpike “Milano Cortina 2026”, si dhe për Botërorin e 2027-tës në Crans Montana të Zvicrës.

6. Federata Shqiptare e Peshëngritjes
Vlera e Kërkuar: 15.300.000 lekë – Kjo kërkesë lidhet me Europianin Junior të këtij sporti për moshën U-23, që është planifikuar të zhvillohet në Durrës në datat 11-20 tetor të këtij viti, ku priten mbi 900 sportistë.

7. Federata Shqiptare e Mundjes
Vlera e Kërkuar: 22.338.364 lekë – Kërkesa lidhet për mbulimin në prill të shpenzimeve të Europianit për të rritur, ku në Shqipëri erdhën mbi 900 sportistë, trajnerë e zyrtarë. Mungesa e fondeve lidhet më cënimin e raporteve me UËË dhe risku reputacional për marrjen e eventeve të tjera.

8. Federata Shqiptare e Volejbollit – Beach Volley
Vlera e kërkuar: 295.400 euro – Kërkesa lidhet me zhvillimin e 7 turneve ndërkombëtarë në qytete të ndryshme bregdetare.

9. Rritja e mbështetjes për Federatat Sportive Olimpike
Vlera e kërkuar: 100.000.000 lekë – Gjatë marsit është realizuar shpërndarja e Grantit për Federatat Olimpike dhe kërkesa lidhet për fond për mbulimin e grumbullimeve, përgatitjeve të sportistëve të nivelit të lartë, për lojërat olimpike.

10. Financimi shtesë sërish për FSHF për organizimin e “SOCCA EURO 2026”, ku Shqipëria u promovua si destinacion ndërkombëtar, duke forcuar pozicionimin e vendit në hartën europiane të Eventeve sportive.

11. Agjensia e Shërbimit të Sportit
Vlera e kërkuar: 2.000.000 lekë – Kërkesë për mbështetjen e ekipeve kombëtare në eventet ndërkombëtare europiane e botërore.
Kjo ishte edhe kërkesa që Ministria I dergoi Institucionit të linjës, asaj të Financave dhe më tej Qeverisë Shqiptare, por një kërkesë e tillë nuk është marrë në konsideratë nga Qeveria, apo thënë më ndryshe, shteti i ka vënë drynin financimit për sportin, në të gjitha destinacionet bazike sportive që do të prodhonin imazh ndërkombëtar sportiv, dhe tashmë me bllokimin e tyre, si pasojë do të kenë humbje të përfitimeve nga turizmi sportiv.

1. Vlen te theksohet fakti se Ministria në këtë kërkesë për alokim fondi nuk ka dërguar zërin për ekipet sportive në Shkolla për sezonin e ri që aktivizon dhe mban në aktivitet sportive gjithëvjetor mbi 12.300 fëmijë në rang kombëtar për volejbollin e basketbollin, mbi 400 trajnerë dhe 100 koordinatorë. Projekt i Qeverisë Shqiptare, nën kujdesin direkt të Kryeministrit të vendit.
Kërkesa e refuzuar do ti hapte rrugën, dhe do të zhbllokonte disa arterie financiare të federatave përkatëse në planin ndërkombëtar të eventeve që kishin dhe që kanë në plan të organizojnë në Shqipëri. Por, duket fare qartë që koncerti 4 milionësh i këngëtarit ka zbythur tërë pjesën e sportit, duke bërë që Qeveria ti japë një mesazh të pastër e të qartë lëvizjes sportive në vend:
VRAFSHI VETEN, vdisni se nuk më rruhet fare, po fare!

Dhe në fakt kështu është. Kryeministri duhet ta lexojë ndryshe një kërkesë të tillë, sepse edhe te sporti ka besë, dhe japin besë. Dhe provat I kanë dhënë. Ndikimin e parë dhe direkt në shtet, apo te Kryeministri duhet ta jepte edhe Kryetari I Grupit Parlamentar, Taulant Balla, si një supporter I futbollit, fans I flaktë I tij. Ishte momenti të bënte diçka, është përherë momenti të bëjë sërish një lëvizje sepse sporti nesër nuk do luajë më në mbrojtje 5-4-1, por do të hidhet në sulm me një 4-3-3, që do të prodhojë shumë gola. Kjo zbythje që shteti I beri sportit tani në raport me 4 milionët e Kayne Ëest ishte dhe shpulla më e madhe dhënë për një komunitet të madh sportiv, që nesër mund ta shikosh e gjesh aty ku nuk do dëshiroje kurrë të ishte…

Sipas raportimeve, Broja nuk dëshiron të luajë në Championship sezonin e ardhshëm, pas rënies së Burnley nga Premier League. Sulmuesi i Kombëtares shqiptare synon të vazhdojë karrierën në elitën e futbollit anglez ose në një kampionat tjetër të nivelit të lartë, ndaj po shqyrton mundësitë për një transferim para mbylljes së merkatos.

Mungesa në një ndeshje të rëndësishme përgatitore si ajo ndaj Ajaxit është interpretuar nga shumë si një sinjal se negociatat për të ardhmen e Brojës mund të jenë në zhvillim. Në raste të tilla, klubet shpesh preferojnë të mos aktivizojnë lojtarët që mund të ndryshojnë skuadër për të shmangur rrezikun e dëmtimeve.

Deri më tani nuk ka një ofertë zyrtare të konfirmuar për sulmuesin shqiptar, por interesi nga klube të ndryshme vazhdon të jetë i pranishëm. Ditët në vijim pritet të jenë vendimtare për të ardhmen e Brojës, i cili duket i vendosur të mos luajë një sezon në kategorinë e dytë angleze dhe të gjejë një destinacion të ri për të vazhduar karrierën në nivelin më të lartë. /Sport Ekspres/

Ndeshja nisi mjaft mirë për Kristian Prengën, teksa pas vetëm 30 sekondave rrëzoi përtokë Joshua-n. Por ky i fundit reagoi më raundin e dytë, kur e hodhi “knock out” boksierin shqiptar dhe fitoi duelin. Pavarësisht humbjes, ky ishte kulmi në karrierën e tij, pasi përballë kishte një emër të madh si Joshua dhe së bashku me të edhe vëmendjen e gjithë sponsorve dhe botës ë këtij sporti./Sport Eks9res/

Sulmuesi që është pjesë e Kombëtareve të moshave të Shqipërisë ka qenë prezent për 45 minuta në fushën e lojës, teksa është zëvendësuar sapo ka nisur pjesa e dytë. Përpos debutimit, Durmishi ka pasur edhe një arsye tjetër për të festuar, pasi Juventusi fitoi me shifrat 0-1 me anë të golit të Miretit nga goditja e dënimit./Sport Ekspres/

Sipas mediave italiane, aspekti financiar nuk do të jetë problem për Padovën. Klubi në fjalë është i gatshëm të paguajë mbi 3.4 milionë euro për kartonin e Shpendit. Një ofertë e tillë është e mirëpritur për drejtuesit e skuadrës toskane, por pengesa e vetme mbetet bindja e vetë lojtarit. Talenti shqiptar ka lënë në pritje Padovën, pasi po synon kalimin në Serinë A, kampionat nga i cili nuk mungojnë interesimet./Sport Eksores/

“Për mua, Botërori përfundoi kur Argjentina fitoi ndaj Anglisë”, u shpreh Di María, duke lënë të kuptohet se ai e konsideroi atë ndeshje si kulmin emocional të turneut. Sipas tij, triumfi ndaj anglezëve ishte momenti më i rëndësishëm, pasi kishte ngarkesa emocionale dhe historike.

Di María, i cili mbetet një nga figurat më të dashura për tifozët argjentinas falë kontributit të tij në sukseset e viteve të fundit, theksoi se e kishte përjetuar me emocione të jashtëzakonshme kualifikimin në finale. Ai shtoi se ishte krenar për karakterin dhe shpirtin luftarak që tregoi skuadra, e cila përmbysi rezultatin ndaj Anglisë në minutat e fundit.

Deklarata e ish-anësorit është komentuar gjerësisht në mediat sportive, pasi tregon lidhjen e fortë emocionale që ai vazhdon të ketë me kombëtaren argjentinase edhe pas largimit. Fitorja ndaj Anglisë mbetet një nga momentet më të paharrueshme të Botërorit 2026 për Argjentinën, ndërsa fjalët e Di Marías kanë prekur shumë tifozë, të cilët e konsiderojnë atë një legjendë të “Albiceleste”. /Sport Ekspres/

Në një intervistë për CBS, Vozinha u shpreh qartë: “Shpresoj të gjej një ekip që më do për atë që mund të jap si futbollist, jo si figurë marketingu.” Kjo deklaratë ka tërhequr vëmendjen e mediave, pasi portieri është kthyer në një nga emrat më të përfolur në merkaton e verës pas performancave të shkëlqyera me kombëtaren e Kepit të Gjelbër.

Sipas raportimeve, një nga klubet më të interesuara është gjiganti kilian Colo-Colo, i cili i ka paraqitur një ofertë dhe besohet se palët janë shumë pranë arritjes së një marrëveshjeje. Interes për Vozinhën kanë shfaqur edhe klube të tjera nga Amerika, por vetë portieri dëshiron të zgjedhë një destinacion ku të vlerësohet për cilësitë e tij në fushë.

Pavarësisht moshës 40-vjeçare, Vozinha mbetet i bindur se mund të luajë ende në nivel të lartë. Ai theksoi se do të vazhdojë për aq kohë sa trupi i tij t’i përgjigjet kërkesave të futbollit profesionist, duke e bërë të qartë se pasioni për lojën është ende motivimi i tij më i madh. /Sport Ekspres/

Trajneri Mikel Arteta e konsideron Viniciusin si profilin ideal për të forcuar krahun e majtë të sulmit. Shpejtësia, aftësitë në duelet një kundër një dhe eksperienca në nivelet më të larta e bëjnë brazilianin një objektiv të ëndrrave për “Topçinjtë”. Megjithatë, realizimi i këtij transferimi mbetet shumë i komplikuar për shkak të kostos së lartë dhe pagës së futbollistit.

Nga ana tjetër, Real Madridi vazhdon të kërkojë rinovimin e kontratës së Viniciusit, por deri tani palët nuk kanë arritur një marrëveshje përfundimtare. Kjo situatë ka nxitur interesimin e disa klubeve të mëdha evropiane, me Arsenalin që po monitoron nga afër çdo zhvillim.

Nëse braziliani vendos të mos zgjasë kontratën me “Los Blancos”, Arsenali mund të hidhet në sulm me një ofertë rekord. Gjithsesi, për momentin bëhet fjalë vetëm për interes konkret dhe vlerësime të brendshme, ndërsa e ardhmja e Vinicius Junior pritet të sqarohet në javët e ardhshme, kur ai të rikthehet në Madrid për të diskutuar me drejtuesit e klubit spanjoll. /Sport Ekspres/

Në një rrëfim të sinqertë dhe plot emocione, Sadiku ndalet te hapat e parë në futboll, ëndrra për t’u bërë një futbollist i madh dhe rrugëtimi i tij profesional, që nga pezullimi dyvjeçar e deri te eksperiencat në Zvicër, Poloni, Spanjë, Turqi, Bolivi dhe Indi.

Ish-sulmuesi kuqezi kujton me nostalgji ftesën e parë nga Kombëtarja dhe debutimin me fanellën kuqezi në ndeshjen ndaj Gjeorgjisë, në shkurt të vitit 2012. Një vend të veçantë në rrëfimin e tij zë edhe Europiani 2016, ku Shqipëria shkroi historinë me pjesëmarrjen e parë në një fazë finale, ndërsa Sadiku ishte autori i golit të paharrueshëm të fitores ndaj Rumanisë.

Nga ëndrrat e një fëmije nga Elbasani deri te momentet që e bënë pjesë të historisë së futbollit shqiptar, Armando Sadiku sjell një rrëfim frymëzues në episodin më të ri të rubrikës “Legjendat Flasin”.

Drejtuesit e federatës kanë bërë të qartë se nuk bëhet fjalë për asnjë shkarkim apo ndryshim kursi. Përkundrazi, palët kanë dakordësuar që synimet mbeten maksimale dhe historike. Brazili synon të dominojë përsëri Amerikën Latine duke fituar Kupën e Amerikës nën drejtimin e tij, por mbi të gjitha, fokusi kryesor mbetet Botërori 2030.

Ançeloti, i njohur për qetësinë dhe menaxhimin e jashtëzakonshëm të yjeve, ka gjetur gjuhën e përbashkët me Federatën dhe lojtarët për të ndërtuar një skuadër fituese. Me këtë vendim, Brazili i jep fund spekulimeve dhe i hap rrugën një pune të qëndrueshme, me synimin e qartë për t’u rikthyer në majën e futbollit botëror pas disa vitesh pritjeje dhe zhgënjimesh në kompeticionet e mëdha. /Elio Hajdari-Sport Ekspres/

Pirlo, i cili ka fituar Kupën e Botës si lojtar në vitin 2006, pritet të nënshkruajë një kontratë katërvjeçare që do ta mbajë në krye të “Azzurrit” deri në përfundim të Kupës së Botës 2030. 47-vjeçari, i cili më parë ka drejtuar skuadra si Juventus, Fatih Karagümrük, Sampdoria dhe së fundmi Dubai United, do të marrë përsipër detyrën e vështirë të ringritjes së kombëtares italiane dhe përgatitjes së saj për sfidat e ardhshme evropiane. Zyrtarizimi i tij pritet të bëhet publik shumë shpejt. /Sport Ekspres/

Klopp u shpreh se e ka pranuar këtë detyrë të vështirë pavarësisht se ishte dëshmitar i trajtimit që iu bë paraardhësve të tij, si Julian Nagelsmann apo Thomas Tuchel. Ai theksoi se kërkon mbështetje dhe kritikë të drejtë, por mbi të gjitha kërkon që familja e tij të lihet e qetë.

“Nuk po e bëj për vete, por për ju. Dhe askush nuk duhet të ndiejë se më detyrohet mirënjohje. Thashë se është një nder i madh dhe po më paguhet një pagë shumë e mirë për këtë, kështu që gjithçka është e qartë. Por ditën që nuk më doni më, më thuaj dhe unë do të iki. Pa asnjë kompensim. Nëse nesër thua se është keq, unë do të iki. Sigurisht, jo nëse një person e thotë, por duhet të ketë një numër më të madh. Një person nuk është i mjaftueshëm. Nëse Federata Gjermane e Futbollit thotë se nuk dëshiron të vazhdojë kështu, unë do të iki. Dhe nëse veproni në mënyrë të papërshtatshme dhe nuk e lini familjen time dhe punët e saj të qeta, edhe unë do të iki. Doja vetëm ta bëja të qartë këtë.

Sepse e pranova këtë punë edhe pse pashë se si trajtohej Juliani, dhe edhe pse pashë se si trajtohej Thomas Tuchel, në situata ku suksesi sportiv ishte e vetmja gjë që kishte rëndësi… dhe ka vende të tjera ku situata mund të jetë edhe më e keqe, por nuk kam lexuar asgjë për këtë. Kjo është e vetmja gjë që kërkoj: më kritikoni kur gjërat nuk shkojnë siç duhet, nuk keni pse ta teproni me lavdërimet kur gjërat kanë sukses; kjo duhet të jetë e natyrshme. Dhe nëse nuk kanë sukses, jam më shumë se i lumtur të punoj për ta rregulluar atë”, tha Klop. /Sport Ekspres/

“Nuk po e bëj këtë punë për veten time. Po e bëj për ju. Po e pranoj këtë punë edhe pse e kam parë se si e ke trajtuar Julian Nagelsmanin. Po e pranoj edhe pse e kam parë se si e ke trajtuar Tomas Tuhelin.

Nëse sulmoni familjen time, unë iki. Nëse mendoni se jam një plehër, ma thoni ballë për ballë dhe do të iki menjëherë, pa kërkuar asnjë kompensim”, ka deklaruar Jurgen Klopi./Sport Ekspres/

Kjo datë përkon me përfundimin e Kupës së Botës 2030. Me emërimin e Jurgen Klopit në drejtimin e Kombëtares gjermane janë ndezur shpresat për një rikthim të lavdisë të së shkuarës. Klopi është një nga trajnerët më të mirë në qarkullim, që në karrierën e tij të suksesshme ka dëshmuar qartë se di të ndërtojë një ekip fitimtar edhe në çastet kur skuadrat kanë qenë në vështirësi./Sport Ekspres/

Sipas mediave italiane, Sasuolo ka kontaktuar drejtuesit e Interit për Kristjan Asllanin. Megjithatë, pengesë mbetet mënyra e transferimit. Drejtuesit e Sasuolos dëshrojnë huazimin e 24-vjeçarit, por në kampin interist synohet shitja e përhershme e tij. Mbetet për t’u parë nëse palët do të gjejnë gjuhën e përbashkët mes tyre./Sport Ekspres/

Duket se as një emër i madh dhe i respektuar si Maldini nuk ka arritur ta bindë teknikun katalanas. Sipas “La Gazzetta dello Sport”, Guardiola e ka refuzuar ofertën për të drejtuar Italinë. “Jam i nderuar, por nuk e ndjej”, ka qenë përgjigja e Pep Guardiolës./Sport Ekspres/

Ekipi i Ilir Dajës ishte në kontroll të lojës, por një gabim i Aldo Teqjas i hoqi fitoren nga duart Dinamos. Portieri i dinamovitëve i fali topin kundërshtarit në minutën e 84-t, kur Vërbaneci shfrytëzoi rastin dhe barazoi shifrat në 1-1. Kështu, kualifikimi për në turin e tretë kualifikues të Ligës së Konferencës do të vendoset javën e ardhshme në Shqipëri, ku do të zhvillohet ndeshja e kthimit./Sport Ekspres/

Malisheva ka mposhtur Hibernianin me shifrat 2-0 në turin e dytë kualifikues. Uka zhbllokoi shifrat në minutën e 21-të, ndërsa Nafiu vulosi fitoren me golin e shënuar në minutën e 90. Ndeshja e kthimit do të zhvillohet javën e ardhshme në Skoci, ku do të përcaktohet edhe ekipi që do të kualifikohet në turin e tretë të Ligës së Konferencës./Sport Ekspres/

Presidentja e Federatës Norvegjeze, Lise Klaveness, ka deklaruar se ndërhyrje të tilla politike përbëjnë një kërcënim serioz për integritetin e futbollit. Sipas saj, rasti Balogun krijon një precedent të rrezikshëm dhe FIFA duhet të garantojë se vendimet disiplinore merren në mënyrë të pavarur dhe transparente, pa ndikime nga jashtë.

Ankesa pritet të diskutohet në mbledhjen e bordit të Federatës Norvegjeze më 6 gusht dhe, nëse miratohet, do t’i dorëzohet zyrtarisht FIFA-s. Klaveness ka kërkuar gjithashtu që presidenti i FIFA-s, Gianni Infantino, të pranojë publikisht se mënyra se si u trajtua çështja ishte e gabuar.

Kjo është hera e parë që një federatë kombëtare vendos të ndërmarrë hapa të tillë në lidhje me këtë skandal, duke shtuar presionin mbi FIFA-n për të sqaruar plotësisht rrethanat e vendimit dhe për të mbrojtur besueshmërinë e garës më prestigjioze të futbollit botëror. /Sport Ekspres/

Ky vendim është pjesë e strategjisë së FSHF-së për zhvillimin e futbollit shqiptar, rritjen e mundësive për futbollistët e rinj dhe krijimin e një baze më të fortë për ekipet kombëtare
Gjithashtu, ky rregull përveçse synon rritjen e aktivizimit të futbollistëve të rinj shqiptarë në kampionatet kombëtare, rritjen e konkurrencës ndërmjet futbollistëve vendas, ka për qëllim krijimin e një modeli të qëndrueshëm zhvillimi për dekadën e ardhshme.

Sipas rregullores së miratuar, në kampionatin Abissnet Superiore dhe në Kupën e Shqipërisë, çdo skuadër do të ketë detyrimin të aktivizojë nga minuta e parë, për të paktën një pjesë loje, një futbollist të datëlindjes 2007 e në vijim, me pasaportë shqiptare.

Ndërkohë, në Kategorinë e Parë, Kategorinë e Dytë dhe Kategorinë e Tretë, klubet do të duhet të aktivizojnë nga fillimi i ndeshjes të paktën një lojtar të datëlindjes 2007 e në vijim, me pasaportë shqiptare, i cili duhet të luajë gjatë gjithë kohëzgjatjes së ndeshjes, përveç rasteve të parashikuara nga rregullorja.

Rregullorja përcakton gjithashtu se, në rast zëvendësimi të lojtarit që plotëson kriteret, ai duhet të zëvendësohet me një tjetër futbollist që përmbush të njëjtat kritere të moshës dhe shtetësisë. Nëse kjo nuk është e mundur, skuadra do të vazhdojë ndeshjen me një lojtar më pak për periudhën gjatë së cilës ekziston detyrimi i aktivizimit të futbollistit të ri.

Rregulli do të zbatohet për të gjitha ndeshjet e kampionateve përkatëse, si edhe për Kupën e Shqipërisë. Klubet janë përgjegjëse për regjistrimin e lojtarëve dhe respektimin e dispozitave të rregullores.

Skuadra nga Rrogozhina e nisi ndeshjen pa komplekse dhe arriti të kalonte në avantazh falë golit të Eneo Bitrit, duke ndezur entuziazmin e tifozëve vendas. Më pas sfida u kthye në një spektakël të vërtetë, me të dyja ekipet që krijuan raste dhe dhuruan emocione deri në sekondat e fundit.

Megjithëse Celje arriti të shfrytëzonte disa momente të mira për të shënuar, Egnatia nuk u dorëzua në asnjë çast. Futbollistët shqiptarë reaguan me personalitet, luftuan për çdo top dhe rikthyen rezultatin disa herë, duke dëshmuar se mund të rivalizojnë denjësisht në kompeticionin më të rëndësishëm europian për klube.

Paraqitja e Egnatias ishte mesazhi më i fortë i mbrëmjes. Kampionët e Shqipërisë treguan organizim, intensitet dhe besim në lojën e tyre, ndërsa krijuan vështirësi të mëdha për një ekip që ka eksperiencë të konsiderueshme në kupat e Europës.

Barazimi 3-3 e lë plotësisht të hapur çështjen e kualifikimit përpara ndeshjes së kthimit në Slloveni. Nëse Egnatia përsërit të njëjtin nivel loje dhe ruan të njëjtin ritëm, shanset për të bërë një tjetër surprizë dhe për të kaluar në raundin tjetër mbeten më se reale. Performanca e treguar ishte një reklamë e shkëlqyer për futbollin shqiptar dhe një sinjal se Egnatia është gati të luftojë deri në fund për ëndrrën europiane. /Sport Ekspres/

Tre klube spanjolle kërkojnë shërbimet e Marash Kumbullës. Bëhet fjalë për Rajo Vajekanon, Elçenë dhe për Levanten. Të treja skuadrat do të jenë pjesë e La Ligës në sezonin e ardhshëm, kampionat të cilin 26-vjeçari e njeh mjaft mirë, pasi ka luajtur aty në dy sezonet e tij të fundit. Roma është e hapur për një huazim me të drejtë blerje, por ende asgjë konkrete nuk është arritur./Sport Ekspres/

Ky i fundit shndërroi në gol një 11 metërsh në minutën e 29 të takimit. Por Ballkani nuk mundi të ruante dot epërsinë deri në fund të lojës. Xhejms-Tejlori barazoi shifrat në minutën 76 të ndeshjes, ndërsa në minutën e 90 Tierni përmbysi rezultatin në favor të Bohemiansit. Ndeshja e kthimit do të luhet javën e ardhshme në Kosovë, kur edhe do të përcaktohet ekipi që do të vazhdojë rrugëtimin në Ligën e Konferencës./Sport Ekspres/

Si asnjë herë më parë, Kupa e Botës do të zhvillohet në 3 kontinente: Europë, Amerikë e Jugut, Afrikë. Përpos Spanjës, Portugalisë dhe Marokut, të cilat kanë fituar zyrtarisht të drejtën për të mirëpritur Kampionatin Botëror, listës i janë shtuar së fundmi edhe Argjentina, Uruguaji dhe Paraguaji.

Uruguaji është përzgjedhur për faktin se ishte vendi që organizoi Kupën e Botës 1930, të cilën edhe e fitoi në fund. Arsyeja e përzgjedhjes së Argjentinës është për faktin se bardheblutë ishin finalistë dhe zunë vendin e dytë në Botërorin historik 1930.  Sa përket Paraguajit, në këtë vend gjenden zyrat qendrore të CONMEBOL-it, e cila është njëkohësisht federata kontinentale më e vjetër në glob. Të treja këto shtete do të mirëpresin nga një ndeshje të Kupës së Botës 2030. Kështu gjithsej do të jenë 6 ekipe të kualifikuara automatikisht në Kampionatin Botëror të ardhshëm: Spanja, Portugalia, Maroku, Argjentina, Uruguaji dhe Paraguaji. Ndërkaq, FIFA po shqyrton mundësinë e zgjerimit të mëtejshëm të Kombëtareve pjesëmarrëse nga 48 aktulisht në 64./Sport Ekspres/

“Arbitrimi në finale nuk ishte i padrejtë. Humbëm sepse ata ishin më të mirë dhe ne duhet ta dimë këtë. Ndoshta arritëm me burime të kufizuara, ky është realiteti. Ka momente kur është mirë t’i pranosh këto gjëra. Kjo do të na bëjë më të mirë. A është skuadra e bashkuar? Jo, nuk mund ta besoj se për çfarë po më pyesni”, ka deklaruar Lionel Skaloni./Sport Ekspres/

“Erblini është vendas i Mynihut dhe një talent i vërtetë vendas i FC Bajernit. Ai tashmë ka debutuar me ekipin tonë të parë dhe ne jemi të bindur për potencialin e tij të mëtejshëm të zhvillimit. Jemi të kënaqur që Erblini do të ndërmarrë edhe hapat e mëtejshëm me ne”, ka thënë Johen Sojeri, Drejtori i Zhvillimit të të Rinjve në klubin e Bajernit të Mynihut./Sport Ekspres/

Por ajo që argjentinasit u përpoqën ta fshihnin ishte një detaj që ndodhi në dhomën e tyre të zhveshjes pasi mbaroi ndeshja. Mediat argjentinase zbuluan se kishte pasur një kaos të vërtetë në dhomën e zhveshjes së Gauços pas ndeshjes dhe se atë e krijoi Lautaro Martinez. Thuhet se sulmuesi i Interit ishte i tërbuar që Lionel Scaloni nuk i dha një shans në finale dhe se nuk luajti as një minutë pasi i udhëhoqi Gauçot në finale me golin e tij në gjysmëfinale. Lautaro ishte i sigurt se do të luante në finale, por Scaloni nuk i dha asnjë shans për 120 minuta, gjë që e zemëroi jashtëzakonisht sulmuesin dhe dyshohet se shkaktoi kaos në dhomën e zhveshjes. /Sport Ekspres/

Kryeqytetasit do ta luajnë takimin e parë në transfertë, në Slloveni, me sfidën që do të nisë në orën 20:00. Dinamo City synon të hedhë një hap të rëndësishëm drejt kualifikimit, duke marrë një rezultat pozitiv përpara ndeshjes së kthimit.

Pas përmbysjes spektakolare ndaj Astanës në raundin e parë, skuadra e drejtuar nga Ilir Daja do të kërkojë të vazhdojë ecurinë pozitive edhe në fazën e dytë të kompeticionit, me objektivin për të mbajtur gjallë ëndrrën europiane.

Një ndeshje jo normale për të dyja skuadrat, teksa u ndërpre disa herë. Në stadium i fikën dy herë dritat për shkak të problemeve me ernergjinë elektrike. Kjo bëri që gjyqtari të akordonte 13 minuta shtesë dhe që ndeshja të zgjaste mbi 100 minuta. Pikërisht në këtë hark kohor u zgjuan edhe ekipet. Balaj realizoi me parabël në minutën e 97, por në minutën e 102-të Drina barazoi sërish shifrat në ato përfundimtare 1-1. Ndeshja e kthimit do të zhvillohet pas një jave në Prishtinë./Sport Ekspres/

Në mesazhin e tij, Presidenti Duka vlerëson paraqitjen e jashtëzakonshme të përfaqësueses spanjolle gjatë gjithë turneut, duke theksuar se ky triumf ishte plotësisht i merituar dhe një dëshmi e cilësisë, punës dhe vizionit të futbollit spanjoll.

“Urime për fitimin e Kupës së Botës FIFA 2026! Ishte një rrugëtim i jashtëzakonshëm dhe një triumf plotësisht i merituar. Spanja tregoi futbollin më të mirë gjatë gjithë turneut dhe fitoi me meritë trofeun më të rëndësishëm në futbollin botëror”, – shprehet Presidenti Duka në mesazhin e tij

Në vijim, Presidenti i FSHF-së i uron Federatës Spanjolle suksese të mëtejshme, duke vlerësuar punën e bërë në zhvillimin e futbollit dhe rezultatet e arritura në arenën ndërkombëtare.

“Ju uroj juve, ekipit kombëtar dhe gjithë futbollit spanjoll suksese të mëtejshme në vitet që vijnë”, – përfundon mesazhi i Presidentit Duka.

“E dimë që kjo është një fushë që duhej ta forconim me cilësi dhe thellësi. Kemi theksuar nevojën për të mbështetur ekipin në krijimin dhe shndërrimin e rasteve në një treg që është i shtrenjtë dhe sfidues.

Jemi vërtet të kënaqur që kemi arritur të sjellim një lojtar për të mbështetur rritjen e grupit tonë dhe që ka mentalitetin dhe urinë për të qenë versioni më i mirë i mundshëm.

Të arrish këtë, në këtë kohë të merkatos, i lejon Lorentit të integrohet me grupin dhe të gjithë mezi presin të punojnë me të. Dëshirojmë të falënderojmë Plymouth Argyle-n për mënyrën se si punuan me ne për të sjellë Lorentin në Bristol City”, është shprehur James Ellis./Sport Ekspres/

“Jemi vërtet të kënaqur që shtojmë fizikalitetin dhe intensitetin e Lorentit në vijën tonë të sulmit. Përparimi i tij gjatë disa sezoneve të fundit është dëshmi e talentit dhe etikës së tij të punës. Ai do t’i shtojë një dimension tjetër skuadrës sonë dhe ne besojmë se ai do të lulëzojë duke punuar me grupin”, ka thënë Majkëll Skubala.

I fortë fizikisht dhe një “vrasës” përpara porte, Lorent Tolaj është pikërisht sulmuesi që i mungon Shqipërisë. Kuqezinjtë kanë shansin ta bëjnë pjesë të grupit, pasi 24-vjeçari ende nuk ka vendosur se cilën përfaqësuese do të zgjedhë. Theksojmë se Tolaj mund të luajë për Zvicrën, Kosovën dhe Shqipërinë. Mbetet për t’u parë se cila do të jetë zgjedhja e tij./Sport Ekspres/