Zhegrova ka qendruar në hije përgjatë këtij sezoni, teksa ka pasur shumë pak minuta në këmbët e tij. Pavarësisht talentit të padiskutueshëm dhe besimit të madh te potenciali i tij, largimi ka nisur të shihet si një opsion real për drejtuesit e klubit italian. Sipas “Fanatik”-ut, Beshiktashi po mendon të përfitojë nga kjo situatë.

Bardhezinjtë e Stambollit po kërkojnë një sulmues anësor dhe Zhegrova shihet si alternativa ideale. Megjithatë mbetet për t’u parë nëse palët do të bien dakort për një kryer këtë transferim, apo Zhegrova do të provojë edhe një herë tjetër të fitojë një vend titullari në formacionin e Juventusit./Sport Ekspres/

Goli i parë për verdhezinjtë u shënua që në minutën e 13. Protagonist në këtë gol ishte edhe Stavro Pilo. Lojtari më i ri i Kombëtares shqiptare dha asist për Zinin, i cili më pas e ndali topin në rrjetë. Ndërkohë në lojë mbeten edhe të paktën 45 minuta të tjera për të vendosur se cili ekip do të kualifikohet më tej në Ligën e Konferencës./Sport Ekspres/

Pas vërshëllimës përfundimtare “los blancos” nuk i kontrolluan dot nervat, teksa shkuan menjëherë të rrethonin arbitrin. Arda Guleri së bashku me shokët e tij të skuadrës shkuan t’i kërkonin llogari Vinçiçit, i cili më pas nuk nguroi t’i tregonte kartonin e kuq edhe mesfushorit turk. Ndërkohë kamerat kanë kapur edhe momentin e frustrimit të Dani Karvahalit. Ky i fundit la pankinën dhe iu drejtua me britma né distancë gjyqtarit kryesor të takimit. “Është për fajin tënd. Është për fajin tënd”, ka thënë me ton të revoltuar Dani Karvahali, duke fajësuar kështu arbitrin për eleminimin e Realit të Madridit./Sport Ekspres/

Federata e Futbollit njofton se duke nisur nga sot, të gjithë futbolldashësit e kampionatit shqiptar “Abissnet Superiore” do të kenë mundësi të blejnë biletat për ndeshjet e “Final Four”.

Katër skuadrat më të mira të këtij sezoni futbollistik do të përballen mes tyre në gjashtë ndeshje, për të përcaktuar ekipin kampion të sezonit. Të gjitha takimet do të zhvillohen në stadiumin “Air Albania”.

Çmimet për ndeshjet e raundit të parë dhe të dytë, që përkojnë me katër ndeshjet e para më 16, 17, 23 dhe 24 maj, nisin nga 500 lekë në tribunat e kategorisë 3 dhe 4. Biletat në tribunat e kategorisë 2 kushtojnë 1000 lekë, ndërsa në kategorinë 1 çmimi është 1500 lekë.

Biletat në sektorin Premium kushtojnë 2000 lekë, në tribunën VIP 3000 lekë, ndërsa në sektorin VVIP 5000 lekë.

Për raundin e tretë, që përfshin dy ndeshjet e fundit më 29 dhe 31 maj, çmimet nisin nga 500 lekë në tribunat e kategorisë 3 dhe 4. Në tribunat e kategorisë 2 çmimi është 1500 lekë, ndërsa në kategorinë 1 është 2000 lekë.

Biletat në sektorin Premium kushtojnë 2500 lekë, në tribunën VIP 3500 lekë, ndërsa në sektorin VVIP 5500 lekë.

Kalendari i Final Four:
Vendi 1 vs Vendi 4, 16.05.2026, ora 19:00
Vendi 2 vs Vendi 3, 17.05.2026, ora 19:00
Vendi 1 vs Vendi 3, 23.05.2026, ora 19:00
Vendi 2 vs Vendi 4, 24.05.2026, ora 19:00
Vendi 3 vs Vendi 4, 29.05.2026, ora 19:00
Vendi 1 vs Vendi 2, 31.05.2026, ora 19:00

Biletat për ndeshjet e “Final Four” mund të blihen online në platformën ebileta.al .

Në këtë panel morën pjesë edhe dy ish-kapitenët e Kombëtares shqiptare, Altin Lala dhe Lorik Cana si edhe Zv.ministri i Turizmit, Kulturës dhe Sportit, Endrit Hoxha, të cilët diskutuan mbi rolin e diasporës shqiptare në zhvillimin e sportit dhe futbollit.

Gjatë fjalës së tij, Presidenti i FSHF theksoi rëndësinë e investimeve dhe të marrëdhënieve me shqiptarët që jetojnë jashtë vendit, duke nënvizuar se diaspora është një potencial i madh për zhvillimin e futbollit shqiptar.

Presidenti Duka theksoi se rezultatet e ekipit Kombëtar kanë ndikuar ndjeshëm në rritjen e interesit dhe në forcimin e lidhjes me shqiptarët kudo në botë. Ai përmendi si momente të rëndësishme kualifikimet e Shqipërisë në Europianin 2016 dhe Europianin 2024, që kanë ndikuar pozitivisht edhe në promovimin e imazhit të vendit.

Presidenti Duka theksoi gjithashtu se zhvillimi i futbollit nuk lidhet vetëm me rezultatet sportive, por edhe me ndikimin që sporti ka në edukimin dhe përfshirjen e të rinjve. Ai vlerësoi gjithashtu rolin e tifozëve shqiptarë, duke i cilësuar ata si një mbështetje të jashtëzakonshme për ekipin Kombëtar.

Në diskutim u ndal edhe te roli i sportit në diplomacinë ndërkombëtare, ku Presidenti Duka theksoi se futbollistët shqiptarë kanë qenë ambasadorë të rëndësishëm të vendit në shumë shtete të botës.

Investimet dhe roli i diasporës në zhvillimin e futbollit – Është vërtetë kënaqësi shumë e veçantë për mua që të jem në këtë panel të nderuar me Zv.ministrin e Turizmit, Kulturës dhe Sportit, Endrit Hoxha, me dy figura shumë të rëndësishme të futbollit shqiptar, dy ish-kapitenë, të dy ish-futbollistë, Altin Lala dhe Lorik Cana. Për t’u kthyer në një lloj mënyre në temën që ju hapët, investimet që duhet të bëjmë që shqiptarët që jetojnë në botë të kthehen në një potencial në zhvillimin e sportit në Shqipëri.

Është vërtetë një lloj rrethi që të gjitha ndihmojnë njëra–tjetrën. Duhet rezultati që të bësh shembuj pozitiv dhe që të afrosh, inspirosh më shumë njerëz, sepse unë jam shumë i sigurt që shumë fëmijë, të rinj dhe djemtë tanë të shqiptarëve që jetojnë në troje të ndryshme janë inspiruar nga Lorik Cana, janë inspiruar nga Altin Lala, qoftë edhe nga rezultatet e ekipit Kombëtar.

Rezultatet e ekipit Kombëtar shqiptar, sidomos me kualifikimin në Euro 2016 dhe Euro 2024, qoftë edhe kualifikimin në play-off tani, i ka shërbyer në përgjithësi çështjes Kombëtare shqiptare. Ne mbase kemi pasur nevojë që ta tregojmë veten se kush jemi dhe Kombëtarja na e ka dhënë këtë mundësi. Ajo se çfarë ne duhet të investojmë që të krijojmë kushte sa më të mira kësaj Kombëtare, por edhe futbollit në Shqipëri për të shkuar më lart.

Padyshim që gjërat në Shqipëri kanë ndryshuar shumë në shumë drejtime. Ne jemi një vend që kemi kaluar një periudhë tranzicioni. Kemi pasur problematika, apo halle të mëdha dhe sot jemi goxha të zhvilluar dhe mund të mendojmë akoma më shumë për të rritur kualitetin e jetës. Dhe si mund të përmirësohet kualiteti i jetës, një nga mënyrat është sporti, është futbolli. Të paktën në vizionin tim dhe qëllimi jonë i futbollit nuk është thjeshtë për të bërë rezultat, por për të pasur sa më shumë njerëz që edukohen nëpërmjet sportit. Por që të kesh sa më shumë njerëz duhet të kesh rezultat, prandaj thashë që është një lloj rrethi. Besoj se si Federatë Futbolli kemi bërë goxha për të realizuar këtë objektiv. Kemi bërë goxha për të pasur një marrëdhënie shumë të mirë me shqiptarët që jetojnë jashtë Shqipërisë.

Marrëdhëniet me tifozët – Në futboll quhet lojtari i 12-të, kurse në Shqipëri mund të thuash më shumë se sa lojtari i 12-të, sepse aq shumë e mbështesin futbollin në Shqipëri, aq shumë e duan, aq shumë kërkojnë që të ketë rezultat sa vërtetë është më shumë se lojtari i 12-të. Padyshim që ka politika dhe strategji për t’i ofruar sa më shumë. Fakti që sot në Shqipëri nuk është problem që të kemi njerëz në stadium, të paktën në ekipin Kombëtar, por është problem se si t’i sigurojmë një biletë njerëzve, do të thotë që është bërë një punë e mirë për t’i afruar spektatorët, për të mbështetur kryesisht ekipin Kombëtar.

Diplomacia përmes sportit – Shtetet lodhen dhe investojnë shumë për diplomacinë, për të pasur një përfaqësim shumë të mirë nëpërmjet njerëzve që emërojnë nëpër ambasada për të rritur imazhin e vendit të vet. Ne fatmirësisht në futboll nuk e kemi këtë vështirësi, sepse kemi ambasadorë në të gjithë botën. Me të gjithë respektin që kam për të gjithë zyrtarët dhe përfaqësuesit e diplomacisë shqiptare, nuk besoj se e ka ngrit imazhin e Shqipërisë, për shembull në Gjermani më shumë se Altin Lala, apo ndonjë tjetër, sepse ne kemi shumë futbollistë të tjerë si Altini, por meqë Altini është këtu, apo Loriku dhe të gjithë futbollistët e tjerë. Pra ne kemi shumë ambasadorë në futbollin e luajtur, por ajo se çfarë mund të bëjmë ne duhet që të institucionalizojmë marrëdhënien dhe ta ruajmë, ta organizojmë dhe ta shfrytëzojmë sa më mirë këtë dhuratë që kemi nëpërmjet futbollistëve gjatë karrierës, qoftë edhe pasi ndërpresin futbollin e luajtur. Ajo që duhet të bëjmë është që gjërat t’i bëjmë në mënyrë të organizuar dhe ta ngremë sa më mirë imazhin e futbollit dhe nëpërmjet futbollit edhe të Shqipërisë dhe shqiptarëve.

Historia kuqezi me De Biasin – De Biasi vërtetë është një histori e bukur e futbollit shqiptar. Ka qenë trajner i ekipit, trajneri i Lorikut, kur Loriku ishte kapiten në vitin 2016 në Europian. Vazhdojmë që të kemi marrëdhënie shumë të mira, respekt të jashtëzakonshëm për De Biasin. Por, loja jonë është kolektive dhe as De Biasi, as Loriku, as Duka apo as Altini nuk e çojnë dot Shqipërinë, as në Europian dhe as nuk fitojnë grupin dhe nuk fitojnë dot asnjë ndeshje. Vetëm kur jemi të gjithë bashkë, vetëm kur ne kemi një atmosferë pozitive. Ne asnjëherë nuk kemi qenë me të gjithë kualitetin shumë të mirë që kanë dy panelistët që janë sot këtu, nuk kemi pasur superstar, apo yje në skuadër. Nuk kemi pasur as Messi as Ronaldo, por kemi pasur një atmosferë pozitive, kemi pasur një grup të mirë, sa herë kemi bashkuar energjitë, jo vetëm me ato që janë në skuadër, në stafin teknik, në FSHF, por me qeverinë, me tifozët dhe të gjithë kemi bërë rezultate pozitive. Futbolli është kështu, shpresojmë më mirë në të ardhmen.

Java do të hapet të shtunën me dy takime që do të zhvillohen në të njëjtën orë. Vora do të presë Vllazninë në stadiumin “KF Vora”, ndërsa në Rrogozhinë Egnatia do të përballet me Flamurtarin në stadiumin “Arena Egnatia”. Të dyja ndeshjet do të nisin në orën 16:00.

Po të shtunën në mbrëmje do të luhen edhe dy sfida të tjera. Teuta do të presë AF Elbasanin në stadiumin “Niko Dovana”, ndërsa në stadiumin “Air Albania” do të përballen Dinamo City dhe Tirana. Të dy këto takime do të nisin në orën 19:00.

Java e 32-të do të mbyllet të dielën me ndeshjen Partizani – Bylis, që do të zhvillohet në stadiumin “Arena e Demave”, duke nisur nga ora 19:00.

Kalendari i ndeshjeve, java 32:

FK Vora – Vllaznia, 18.04.2026, ora 16:00, stadiumi “KF Vora”

Egnatia – Flamurtari, 18.04.2026, ora 16:00, stadiumi “Arena Egnatia”

Teuta – AF Elbasani, 18.04.2026, ora 19:00, stadiumi “Niko Dovana”

Dinamo City – Tirana, 18.04.2026, ora 19:00, stadiumi “Air Albania”

Partizani – Bylis, 19.04.2026, ora 19:00, stadiumi “Arena e Demave”

“Jemi shumë të zhgënjyer, sepse të dyja ekipet luajtën një ndeshje të shkëlqyer, ishte e ekuilibruar deri në fund. Askush nuk mund të shpjegojë se si një lojtar mund të përjashtohet për një incident të tillë. Ekipi ishte i zemëruar. Kur humbet kështu, je i zemëruar, i mërzitur dhe i zhgënjyer. Ajo që ndodhi është paksa e padrejtë”, ka thënë Alvaro Arbeloa./Sport Ekspres/

“Jam shumë i lumtur, krenar për ekipin, është një gjë pozitive për të gjithë. Tani duam të kualifikohemi për në finale. Mendoj se bëmë gjënë më të rëndësishme në futboll: qëndruam në lojë edhe pasi mbetëm disavantazh. Fitorja e kësaj ndeshjeje, dhe mënyra se si e bëmë, është diçka e veçantë për tifozët tanë.

A mund të ëndërrojmë shumë tani? E kemi bërë që nga fillimi i sezonit. Do të përballemi me ekipin që fitoi Ligën e Kampionëve vitin e kaluar dhe që duket edhe më i fortë. Do të jetë një tjetër natë e madhe futbolli dhe do të përpiqemi të arrijmë në finale”, ka thënë Vinsent Kompani./Sport Ekspres/

“Ishte një ndeshje e çmendur, që nga fillimi. Ishte një ndeshje e ashpër. Na ndëshkuan në tranzicione, por ne duhej të qëndronim të qetë në pjesën e dytë dhe të prisnim fundin. Kjo është ajo që ndodhi pas përjashtimit të Kamavingës dhe ne fituam.

Më pëlqen t’i ndihmoj shokët e skuadrës me pasimet e mia. Të lëvizurit më prapa më ndihmon gjithashtu të gjej hapësirë dhe ua vështirëson kundërshtarëve të më markojnë. Që kur Kompani ka ardhur këtu, është bërë më e lehtë për mua”, ka thënë Harri Kejni./Sport Ekspres/

“A përfundoi ndeshja me karton të kuq? Natyrisht, nuk mund të përjashtosh një lojtar për diçka të tillë. Arbitri as nuk e dinte që i kishte treguar tashmë karton të kuq Kamavingës, dhe ai prishi një ndeshje të bukur dhe shumë të ekuilibruar, pikërisht në momentin kyç, dhe aty mbaroi loja.

Lojtarët e mi luajtën një ndeshje të shkëlqyer dhe më vjen keq për ta duke pasur parasysh përpjekjen që bënë, ashtu siç më vjen keq për tifozët e Real Madridit që ishin në stadium dhe ata në shtëpi. Më dhemb, sepse Real Madridi nuk do e ndeshjen e tij të çerekfinales këtë vit, por po shkojmë në shtëpi krenarë sepse dhamë gjithçka.

Duhet të vazhdojmë përpara me gjithë energji, sepse ky është Real Madridi. Liga është shumë e vështirë, por duhet të vazhdojmë të luftojmë deri në ditën e fundit, sepse kemi një klub për të mbrojtur dhe nderuar”, ka deklaruar Alvaro Arbeloa./Sport Ekspres/

Portieri gjerman pasoi në mënyrë të gabuar topin, i cili përfundoi në zotërimin e Arda Gylerit. Mesfushori turk nuk e mendoi dy herë të godiste menjëherë portën e boshatisur. Topi i gjuajtur prej tij u ndal në rrjetë, duke rihapur kështu plotësisht garën për kualifikimin në gjysmëfinale./Sport Ekspres/

Trajnerja Daniela Kodra e nisi ndeshjen me këtë formacion titullar: Mone (GK), Rushaj, Nika, Kadiolli, Bajramaj, Ago (C), Bushati, Malaj, Qose, Reci, Leka

Pjesa e parë u mbyll pa gola, me Shqipërinë që kishte kontrollin e lojës dhe krijoi disa raste të mira për shënim, por pa arritur konkretizimin.

Në pjesën e dytë, vajzat e rritën ritmin dhe gjetën golin e avantazhit në minutën e 47-të me Lekën.

Në minutën e 80-të, Shqipëria dyfishoi shifrat me Klesta Agon, ndërsa në minutën e 86-të Malaj shënoi golin e tretë duke vulosur fitoren 3-0.

Me këtë rezultat, Shqipëria e mbyll grupin në vendin e dytë me 4 pikë. Turqia renditet e para me 9 pikë, Mali i Zi i treti gjithashtu me 4 pikë, ndërsa Lihtenshtejni mbyll renditjen me 0 pikë.

Ndeshjet e grupit B5 u luajtën në Shqipëri, nën organizimin e Federatës Shqiptare të Futbollit.

Drejtori i Garave në FSHF, Marjus Sulejmani, në një prononcim për fshf.org, foli për situatën aktuale të kampionatit, garën për një vend në “Final Four”, luftën për mbijetesë si dhe për formatin dhe datat e fazës finale “Final Four” që do të zhvillohet në stadiumin “Air Albania”.

Aktualisht vetëm Vllaznia ka siguruar matematikisht pjesëmarrjen në “Final Four”, ndërsa disa skuadra të tjera vijojnë garën për tre vendet e mbetura.

Më poshtë, prononcimin i plotë i Drejtorit të Garave, Marjus Sulejmani.

Fundi i sezonit të rregullt? – Kanë mbetur edhe 5 javë deri në përfundimin e 36-të javëve të kampionatit. Vllaznia është ekipi i parë që ka siguruar “Final Four”. Gara është shumë e fortë, pasi janë edhe 5 ekipe që konkurrojnë për të zënë 3 vende për në “Final Four”. Kampionati nuk është vetëm për “Final Four”, pasi edhe në fundin e tabelës ka një garë sportive shumë të fortë. Vendi i 9-të dhe i 10-të bien direkt nga kategoria, ndërsa skuadra që renditet në vendin e tetë do të luajë një ndeshje play-off me një nga skuadrat që renditet nga vendi i tretë te i gjashti në Kategorinë e Parë.

Faza “Final Four”? – Ky është viti i tretë i “Final Four”. Ndryshe nga dy sezonet e mëparshme, këtë vit kemi një ndryshim të rregullit, ku pas 36 javëve, 4 ekipet e renditura të para do të marrin pjesë në “Final Four” me pikët e përgjysmuara, duke marrë edhe vlerën më të vogël. Datat janë të përcaktuara. Ndeshja e parë do të luhet më 16 maj sfida mes vendit të parë dhe vendit të katërt, një ditë më vonë vendi i dytë dhe vendi i tretë. Po ashtu, edhe katër ndeshjet e tjera do të zhvillohen në datat 23-24 dhe 29 e 31 maj. Të gjitha ndeshjet do të zhvillohen në Air Albania.

Shpërblimet financiare për klubet e “Abissnet Superiore”? – Katër ekipet e para pas përfundimit të 36-të javëve do të përfitojnë shpërblime financiare. Vendi i parë do të përfitojë 10 milionë lekë të rinj, vendi i dytë 7 milionë lekë të rinj, vendi i tretë 5 milionë lekë të rinj dhe vendi i katërt 2 milionë lekë të rinj. Gjithashtu, fituesi i kampionatit pra i “Final Four” do të përfitojë 10 milionë lekë të rinj. Pas përfundimit të “Final Four”, të 10 ekipet do të marrin përsëri të ardhura, që do të vijnë nga biletat, sponsorët dhe reklamat, të cilat do të shpërndahen nga vendi i pestë deri në vendin e dhjetë sipas renditjes, si dhe një përqindje më e madhe për ekipet që do të luajnë në “Final Four”.

Seleksionimet do të zhvillohen të shtunën, më 27 qershor 2026, në kompleksin “Hudson Sports Complex, Warwick NY” dhe do të jenë të fokusuara te lojtarët e vitlindjeve 2010, 2011, 2012, 2013 dhe 2014, ndërsa është i hapur edhe për futbollistet vajza pa kufizime moshe.

Në seleksionimet me futbollistët shqiptarë të talentuar, të cilët jetojnë në Shtetet e Bashkuara të Amerikës dhe Kanada do të marrë pjesë edhe Drejtori i Departamentit të Skautizmit në FSHF, Tefik Osmani. Gjithashtu, me të gjithë organizimin e seleksionimit do të merret Ansi Agolli, ish-futbollist i Kombëtares.

Seleksionimet kanë si qëllim evidentimin e talenteve të reja, por në të njëjtën kohë edhe ndjekjen nga afër të progresit të lojtarëve shqiptarë që aktivizohen në SHBA dhe Kanada.

Për të marrë pjesë në seleksionime, të interesuarit duhet të dërgojnë disa të dhëna nëpërmjet adresës së e-mailit, seleksionime@fshf.al, ku të specifikojnë emrin, mbiemrin, datëlindjen, klubin ku aktivizohen, pozicionin e saktë në fushë, uebin zyrtar të klubit ku luajnë, pasaportën që zotërojnë dhe në të njëjtën kohë të dorëzojnë edhe një numër kontakti.

Shifrat e kartonit të një lojtari dhe pagesat janë shtuar shumë, por nga ana tjetër janë shtuar edhe ndeshjet, me kalendarin që është i ngjeshur dhe skuadrat që duhet të zbresin në fushë thuajse njëherë në tre ditë.

Simeone dhe presidenti i ekipit kanë vendosur që në rast fitore dhe kualifikimi me Barcelonën në Champions League, 11-shja titullare e Atletikos të mos thirret më për ndeshjet e La Liga në këtë sezon. Ata do të luajnë vetëm në ndeshjet e Champions League pasi besimi është i madh që në rast kalimi të Barcelonës, atëherë gjysmëfinalja me fituesin e Sporting-Arsenal, do të jetë një mision shumë më i lehtë për Atletikon që të shkojë në finale. /Elio Hajdari-Sport Ekspres/

Në bazë të kërkesës së ardhur nga Policia e Shtetit, në lidhje me zhvillimin e protestës së opozitës më datë 17 prill, për arsye sigurie janë vendosur ndryshimet si më poshtë:

Dinamo City – Tirana, do të zhvillohet ditën e shtunë në orën 19:00.
Egnatia – Flamurtari, do të luhet po të shtunën në orën 16:00.

Kalendari i plotë i javës 32:
FK Vora – Vllaznia, 18.04.2026, ora 16:00, Stadiumi “KF Vora”
Egnatia – Flamurtari, 18.04.2026, ora 16:00, Stadiumi “Arena Egnatia”
Teuta – AF Elbasani, 18.04.2026, ora 19:00, Stadiumi “Niko Dovana”
Dinamo City – Tirana, 18.04.2026, ora 19:00, Stadiumi “Air Albania”
Partizani – Bylis, 19.04.2026, ora 19:00, Stadiumi “Arena e Demave”

Departamenti i Garave në FSHF falënderon klubet për mirëkuptimin dhe bashkëpunimin.

Me këtë rast u zhvillua edhe ceremonia e prezantimit të marrëveshjes në ambientet e “Shtëpisë së Futbollit”, ku u firmos bashkëpunimi 2-vjeçar mes palëve nga presidenti Armand Duka dhe përfaqësuesja e Wizz Air, Silvia Mosquera. Marrëveshja vjen si një hap i rëndësishëm për mbështetjen dhe zhvillimin e mëtejshëm të futbollit shqiptar.

Në fjalën e tij, presidenti Armand Duka uroi mirëseardhjen e partnerit të ri në “komunitetin e futbollit”, duke e cilësuar Wizz Air si një kompani lidere në tregun shqiptar të fluturimeve dhe një pikë referimi për rajonin. Ai theksoi se kjo marrëveshje nuk është rastësi, por rezultat i punës, seriozitetit dhe vizionit afatgjatë të FSHF-së, si edhe i rritjes së nivelit të ekipit kombëtar.

“Për kompaninë Wizz Air, si partner i ri i Federatës Shqiptare të Futbollit, ju uroj mirëseardhje në komunitetin e futbollit. Sot, siç jeni të lajmëruar, jemi për të bërë publike finalizimin e një marrëveshjeje që FSHF ka arritur me kompaninë e mirënjohur, do të thoja lider për tregun shqiptar të fluturimeve, Wizz Air.

Wizz Air është bërë pikë referimi për fluturimet rajonale dhe për këtë ne duhet të jemi falënderues të gjithë. Ne jemi shumë të nderuar dhe të respektuar që sot Federata e Futbollit nënshkruan këtë marrëveshje me kompaninë e fluturimeve.

Në përgjithësi, në deklarimet apo publikimet e sponsorëve ne nuk kemi thënë numra, por sot dua të deklaroj që Wizz Air është sponsori më i ri, partneri më i ri i FSHF-së, i 17-ti në numër, por është një gjë jubilare sepse plotëson shifrën 10 milionë euro të ardhura për Federatën e Futbollit, për futbollin shqiptar nga sponsorizimet.

Kjo nuk është një rastësi, numri në rritje i sponsorëve apo partnerëve, por është fryt i punës, seriozitetit apo vizionit afatgjatë të Federatës së Futbollit, është fryt i dashurisë që kanë të gjithë shqiptarët për futbollin. Është fryt i punës së ekipit Kombëtar, që sot nuk është më një skuadër për të plotësuar grupin, është një skuadër që lufton për ta fituar atë në çdo rast në kualifikuese”, – u shpreh Presidenti Duka.

“Unë jam shumë i bindur që kompania Wizz Air, por jo vetëm Wizz Air, por të gjithë ata që bashkëpunojnë dhe besojnë në vizionin tonë do të kenë rezultate pozitive dhe do të rriten bashkë me ne.

Në këtë vit ne do të përfundojmë edhe një platformë bashkë me partnerët tanë, përfshirë edhe Wizz Air, për tifozët e ekipit Kombëtar, një platformë që do të shtojë numrin e atyre që mbështesin Kombëtaren dhe do të kenë benefite jo vetëm nga Federata e Futbollit, por nga të gjithë partnerët tanë, përfshirë edhe Wizz Air.

Ky është vizioni ynë, që të gjithë bashkë të mund të arrijmë më shumë. Dua të theksoj diçka: të gjithë partnerët që besojnë në futbollin shqiptar dhe që e mbështesin, e bëjnë këtë pa pasur një ligj i cili do të lehtësonte barrën e tyre fiskale apo do t’i ndihmonte ata. Nëse ky ligj do të ishte, numri i partnerëve do të ishte më i madh”, – theksoi Presidenti i FSHF-së.

“Për ta përfunduar, unë dua të falënderoj të gjithë ata që kanë bërë të mundur këtë marrëveshje. Falënderoj kompaninë Wizz Air, përfaqësuesit e saj, falënderoj përfaqësuesit e aeroportit të Tiranës dhe shpreh edhe njëherë bindjen dhe besimin që të gjithë bashkë do të rritemi akoma më shumë”, – tha Presidenti i FSHF-së, Armand Duka.

Përfaqësuesja e Wizz Air, Silvia Mosquera, u shpreh e lumtur për këtë bashkëpunim dhe theksoi fuqinë që ka futbolli për të bashkuar njerëzit.

“Jemi të lumtur të ndajmë lajmin që do të jemi kompania zyrtare e fluturimeve e Federatës Shqiptare të Futbollit.

Futbolli ka një fuqi unike për të bashkuar njerëzit dhe komunitetet. Kombëtarja shqiptare përfaqëson ekselencën sportive, si edhe pasionin dhe krenarinë kombëtare. Ndaj është një nder i madh për ne që të lidhemi me një simbol kaq të rëndësishëm të identitetit kombëtar.

Vlerat e Wizz Air përfshijnë lidhjen e njerëzve, ambicien, punën në grup dhe përkushtimin ndaj ekselencës. Mendoj se këto vlera i kemi të përbashkëta me Federatën Shqiptare të Futbollit dhe jemi shumë krenarë që mund të lidhim ekipin, tifozët dhe diasporën shqiptare në të gjithë Europën.

Në emër të Wizz Air dua të falënderoj Federatën Shqiptare të Futbollit për besimin dhe këtë partneritet. Forca Shqipëri!”, – tha znj. Mosquera.

Për të festuar këtë partneritet dhe për t’i sjellë tifozët edhe më afër aksionit, Wizz Air po lançon gjithashtu një promovim të veçantë për të gjithë udhëtarët që fluturojnë për në dhe nga Tirana.

Pasagjerët mund të përfitojnë një zbritje prej 15% në të gjitha itineraret për nisjet dhe mbërritjet në Tiranë, duke përdorur kodin KUQEZI15. Oferta është e vlefshme për rezervimet e bëra midis 14 dhe 17 prillit 2026, për udhëtime midis 20 prillit dhe 15 qershorit 2026.

Në portë është gardiani i AF Elbasanit, Klevi Totoshi, i cili zhvilloi një paraqitje shumë të mirë dhe mbajti portën e paprekur në takimin ndaj Partizanit.

Treshja e mbrojtjes përbëhet nga Arsen Kasa (AF Elbasani), Dajan Shehi (Vora) dhe Aurel Marku (Bylis).

Në mesfushë janë pozicionuar Xhonatan Lajthia (AF Elbasani), Patrik Myslovic (Tirana), Bangaly Diawara (Flamurtari) dhe Malomo Ayodeji (Dinamo City).

Pas tyre qëndron Sherif Kallaku (Vllaznia), ndërsa dyshja e sulmit përbëhet nga Kevin Dodaj (Vllaznia) dhe Redon Xhixha (Tirana), të cilët ishin vendimtarë në sukseset e skuadrave të tyre.

Trajneri më i mirë i javës së 31-të është përzgjedhur Orges Shehi, pas suksesit shumë të rëndësishëm të Tiranës në fitoren 3-1 ndaj Egnatias.

“Një nga parimet tona është që të përpiqemi t’u ngjallim besim lojtarëve. Të kemi 23 lojtarë ikonikë, jo vetëm një. 23 që e ndjejnë fanellën, klubin. Jemi të rinj, por me përvojë. Të gjithë jemi mësuar me sfida të mëdha ndërkombëtare”, është shprehur ndër të tjera Luis Enrike./Sport Ekspres/

Ai u gjend në hyrje të zonës kur shoku i tij i skuadrës i pasoi topin nga goditja e këndit. Laçi goditi menjëherë, duke shënuar një supergol. Rizespori në fund fitoi me shifrat 2-1, teksa lojtari kuqezi ishte vendimtar në këto 3 pikë të fituara. Deri më tani Qazim Laçi numëron 6 gola të shënuar dhe 7 asiste të dhënë me fanellën e Rizesporit përgjatë këtij sezoni./Sport Ekspres/

“Në fillim të sezonit, niveli im u vu në pyetje dhe unë me zor po prisja që të vinin ndeshje si e nesërmja. Kjo pasi është momenti kur lojtarët e mëdhenj dalin në pah. Do të japim gjithçka për këtë stemë. Një përmbysje është shumë e mundshme, prandaj jemi këtu. E kam parë shumë herë përmbysjen 6-1 kundër PSG-së. Sigurisht që e kam parë edhe drejtpërsëdrejti gjithashtu. Ndihem mirë. Le të shohim nëse Siemone do të më bëjë një nder dhe do të më lërë të luaj një kundër një nesër”, ka deklaruar Lamin Jamal./Sport Ekspres/

“Titulli? Jo, do e bëj si kolegët e mi, të cilët flasin për objetivin e Ligës së Kampionëve. Kështu që jemi të lumtur që po i afrohemi objektivit për t’u kualifikuar në Ligën e Kampionëve”, ka thënë Kristian Kivu./Sport Ekspres/

“Është dielli… Jo, nuk po tallem. Në Mançester nuk ka asnjëherë diell. Nëse do të kishte diell në nëntor, atëherë ne do të ishim kampionë të Ligës Premier në janar. Sinqerisht, ndikon dielli”, ka thënë Pep Guardiola./Sport Ekspres/

“Dy vite më parë u përpoqa që të luanim një miqësore me Interin. Ishte një ëndërr për ne më pak se para 22 muajve. Tani duket sikur ne duhet ta mundim Interin, ose të luajmë shumë herë më mirë. E dimë se kush jemi. Kemi shumë rrugë për të bërë dhe jemi vetëm në fillim të asaj se që unë kam në mendje se deri ku mund të shkojë ky klub dhe kjo skuadër”, ka thënë Çesk Fabregasi./Sport Ekspres/

Në portë është përzgjedhur Sinan Dani i Burrelit, i cili zhvilloi një paraqitje të mirë gjatë kësaj jave.

Në repartin e mbrojtjes bëjnë pjesë Klevis Shaqe i Skënderbeut, Ali Samake i Pogradecit, Ersildjo Asllanaj i Apolonisë dhe Arlind Kurti i Laçit, futbollistë që u dalluan për sigurinë dhe kontributin e tyre në fazën mbrojtëse.

Mesfusha përbëhet nga Ardit Ziaj i AF Luftëtarit, Rodrigo Migone i Besës, Irdi Morina i Korabit dhe Ledjo Tresa i Laçit, të cilët spikatën me paraqitjet e tyre dhe ndikimin në lojën e skuadrave respektive.

Në repartin ofensiv janë përzgjedhur Bedri Greca i Pogradecit dhe Mario Beshiraj i Skënderbeut, të cilët u dalluan në fazën sulmuese dhe kontribuan në rezultatet e ekipeve të tyre.

Trajneri më i mirë i javës së 30-të është përzgjedhur Naci Sensoy i Laçit, pas paraqitjes dhe fitores së skuadrës së tij në këtë javë të kampionatit.

Ndërkohë Teutës ia vështirësoi akoma edhe më shumë punën Jaxhi, i cili pas ndërhyrjes së gabuar ndaj Kallakut në të 64, do t’ia vështirësonte akoma më shumë punën miqëve. Pas kësaj fitore, Vllaznia nis shkëputjen në vendin e parë me 5 pikë më shumë se Egnatia. /Sport Ekspres/

Pas këtyre realizimeve, Mbappe shkon në kuotën e 21 golave, duke qenë në vendin e dytë në listën e golashënuesve në La Liga. Ndërkohë në vendin e parë ndodhet Kilian Mbappe, i cili ka shënuar 23 gola, me sulmuesin shqiptar që është shumë pranë arritje së rekordit historik sa i përket një sulmuesi shqiptar. /Sport Ekspres/

Një skuadër që ka emër të rëndë dhe që duhej të ishte në të tjera llogari, por duke parë nisjen e sezonit, edhe kjo arritje kur të sigurohet, do të shijojë shumë. Goli i parë i ndeshjes u shënua nga Tabekou në minutën e 12, ndërsa Egnatia barazoi me anë të Buric në të 58.

Nuk kaloi shumë dhe Redon Xhixha në minutën e 63 do të shënonte nga pika e bardhë e penalltisë. Vetëm 5 minuta më vonë, Halili, në të 68, do të vuloste gjithcka në shifrat 3-1. Pas kësaj fitore, Tirana mban vendin e 8 që të dërgon në Play Out me 31 pikë, po aq sa Vora e vendit të 7, vend ky që të jep qetësinë e plot në Superiore. /Sport Ekspres/

Ndërkohë Gjimshiti ka kaluar edhe Bonaçinën, duke u renditur kështu i 4-ti në listën e futbollistëve me më shumë paraqitje në historinë e klubit. Përpara tij qendrojnë vetëm Pashaliçi, Belini dhe De Roni./Sport Ekspres/

“Nuk kemi nevojë për një mrekulli. Duhet të luajmë një ndeshje të mirë dhe këtë mund ta bëjmë. Çdo gjë është e mundur. Atletiko është fantastik, por ne kemi një ekip të mirë dhe jemi të aftë t’ja dalim.

Titulli kampion? Nuk ka mbaruar ende. Nëntë pikë janë një diferencë e mirë, por duhet ta sqarojmë rezultatin. Nuk mund të dalim në fushë me këtë qëndrim, nuk do ta pranoj. Derisa ta kemi siguruar (titullin), duhet të luajmë në mënyrën më të mirë, madje edhe pas kësaj. Do të vazhdojmë kështu dhe shpresoj se mund ta provojmë këtë të martën”, ka thënë Hansi Fliku./Sport Ekspres/

“Duhet të kemi besim, sepse jemi ende në katër vendet e para. E dimë që do të duhet të punojmë shumë. Nuk kemi luajtur kurrë një ndeshje si kjo më parë këtë sezon dhe kjo duhet të na ndihmojë të riorganizohemi. Por mbi të gjitha, të kemi më shumë rend në fushë. Patëm mundësi të favorshme, por nuk i shfrytëzuam ato. Është një gabim i vogël, tani kemi një javë për t’u përgatitur mirë për Veronën”, ka deklaruar Masimiliano Alegri./Sport Ekspres/

Muriqi ka pranuar se ishte pranë rikthimit te Fenerbahçja në janar, por drejtuesit e Majorkës nuk e lejuan të largohej. Megjithatë, turqit nuk heqin dorë nga lojtari i Kosovës, i cili shkëlqeu në Stamboll me golat dhe paraqitjet e tij në fushën e lojës. Mbetet për t’u parë se cila do të jetë e ardhmja e Muriqit./Sport Ekspres/

Sulmuesi kuqezi realizoi një supergol nga distanca, duke lënë pa asnjë shans portierin kundërshtar. Një goditje e pastër, plot klas dhe instinkt, që elektrizoi tifozët dhe tërhoqi menjëherë vëmendjen në gjithë rrjetet sociale.

Edhe vetë faqja zyrtare e MLS reagoi me entuziazëm pas këtij momenti spektakolar, duke shkruar: “Oh Myrto Uzuni im”, një frazë që pasqyron më së miri bukurinë e golit dhe impaktin që pati në ndeshje.

Një realizim që konfirmon formën e mirë të Uzunit dhe aftësinë e tij për të bërë diferencën në çdo moment. /Elio Hajdari-Sport Ekspres/

OH MY MYRTO UZUNI ??? pic.twitter.com/7RcJlcRO7O

— Major League Soccer (@MLS) April 11, 2026

“VAR-i ndërhyn kur u leverdis atyre, dhe kur nuk u leverdis, nuk ndërhyn. Nuk mund të fitojmë gjithmonë me 90%. Duhet të japim 200%, përndryshe këto incidente mund të ndodhin shumë shpesh. Rasti i Mbapesë? Është një penallti që ia vlen sa të duash. Është e qartë, një nga shumë që po na ndodhin”, është shprehur Alvaro Arbeloa./Sport Ekspres/

“Mesfushorët kanë një avantazh në të mësuarit rreth asaj që po ndodh në mbrojtje dhe sulm. Ata duhet të kenë një sërë aftësish më të plota sesa Conceicao, Yildiz ose Zhegrova i momentit, të cilëve u kërkohet të bëjnë një gjë themelore: të jenë në gjendje t’i bëjnë gjërat mirë.

Mesfushori duhet të jetë në gjendje të bëjë nga pak nga gjithçka gjatë zhvillimit të ndeshjes. Futbolli modern na tregon se mund t’i përdorim më shumë në lojë dhe si ekip, sepse ata mund të zgjidhin nga pak gjithçka”, ka thënë ndër të tjera Luciano Spalletti./Sport Ekspres/

Së fundmi është Palermo klubi që është interesuar për shërbimet e tij. Sipas “TuttoCesena.it”, drejtuesit e Palermos kanë piketuar Shpendin për të përforcuar sulmin e tyre. Skuadra siçiliane momentalisht renditet e 4-ta në Serinë B, teksa ende është në garë për vendin e 2-të, i cili mund t’i sigurojë një kualifikim në Serinë A në sezonin e ardhshëm.

Ndërkohë gara për kartonin e Kristjan Shpendit është e fortë, teksa Parma, Lacio, Uest Hemi dhe Kristal Palasi janë duke e mbajtur nën vëzhgim 22-vjeçarin shqiptar./Sport Ekspres/

“Ai (Groso) do të thotë shumë për mua. Po vija nga një dëmtim i rëndë. Pata një operacion në shpatull dhe nuk luajta për 6-7 muaj. Menduan se isha i mbaruar. Isha gati të shkoja në Turqi dhe e vlerësoj shumë besimin që trajneri tregoi tek unë. Gjithashtu, trajneri më vlerëson që arrita deri këtu. Ai mund të kishte bërë zgjedhje të tjera. Më donte dhe më lejoi të luaja menjëherë. Unë luaj edhe për të”, ka thënë Arijanet Muriçi./Sport Ekspres/

“Mendoj se Allegri dhe Tare duhet të nderohen këtë vit. Me ekipin që kanë, të qenurit atje është një mrekulli. Ata ishin mjaftueshëm të zgjuar për të nënshkruar me Rabionë dhe Modriçin, të cilët kanë rregulluar shumë gjëra. Këto janë gjëra që i mungojnë Juves, lojtarë me përvojë që ndihmojnë ekipin të rritet”, ka deklaruar Mikele Padovano./Sport Elspres/

“Interi ka kryer vetëvrasje dy herë. Gjatë pesë viteve të fundit, ata duhet të kishin bërë atë që bëri Juve për nëntë sezone, duke pasur parasysh se ishin i vetmi klub që u ndërtua mirë. Ata kanë lojtarët më të mirë, ndërsa rivalët e tyre kanë ndryshuar stafin e trajnerëve dhe lojtarët çdo vit, duke përkeqësuar shpesh performancat e tyre”, është shprehur Paolo Di Kanio./Sport Ekspres/

“Pata fatin dhe kënaqësinë ta stërvisja. Si lojtar, ai kishte disa aftësi të jashtëzakonshme. Mendoj se ishte pak si Ronaldinjo, sepse e pasonte topin aty ku vetëm ai mund ta shihte. Dhe Antonio ishte shumë i mirë për këtë. I respektoj mendimet e të gjithëve. Mendoj se më bëri një kompliment të madh duke thënë se unë isha përgjegjës për gjithçka…”, ka thënë Masimiliano Alegri./Sport Ekspres/