Klubi bavarez do të paguajë rreth 100 milionë euro, një çmenduri e vërtetë, sepse kurrë nuk ka shkuar kaq lart sa këtë verë me shpenzimet.

Ndërkaq, anësori ofensiv do të firmosë për 5 vite, me 18 milionë euro në sezon, edhe kjo një shifër rekord për futbollin gjerman.

Sipas Allgemeine Zeitung tashmë Sane është përshëndetur me disa nga lojtarët e Mançester Sitit.

Fillimisht Milani u ndal nga kërkesa e Sampdorias, 25 milionë euro, ndërsa tani planet e kuqezinjve kanë ndryshuar, sepse së pari duhet shitur Andre Silva dhe duhet blerë Korrea, ndërsa në mesfushë janë Kesie, Paketa, Calhanoglu, Benaser e Kruniç, pa harruar Bonaventurën, i aftë të luajë edhe në mesfushë.

Për këtë arsye, Samp ka vendosur të pranojë ofertën e Lester Sitit, me klubin anglez që ka ofruar 20 milionë euro dhe ka gjetur marrëveshjen edhe me mesfushorin, i cili shkëlqeu sezonin e shkuar.

Megjithatë, drejtuesit zikaltër vijojnë të mos kenë besim te rumuni George Pushkash, i cili është kthyer nga huazimi te Palermo dhe tashmë shkon në Angli.

Rumuni, makinë goli te Palermo, por sidomos te Rumania U21 dhe ekipi i parë, shkon te Reading në Championship në Angli, për 8 milionë euro plus 2 milionë në bonuse. Vetë sulmuesi do të fitojë 1 milion euro në vit, deri në 2024.

Kampionët e Holandës janë vendosur nga shorti përballë PAOK-ut, rivali më i keq i mundshëm në këtë tur.

90+2. Work to do next week.
We gonna need you, fans! ?#UCL #paoaja

— AFC Ajax (@AFCAjax) August 6, 2019

Në Selanik, si zakonisht në një atmosferë të zjarrtë, Ajaksi mori një barazim 2-2 me shumë vlerë. Zijesh hapi sfidën në fillim të saj, PAOK e përmbysi me Akpom e Matos në pjesën e parë, por Huntelaar vulosi barazimin pa mbushur një orë lojë.

https://youtu.be/fK0PYfGat-8

Hap gjigant drejt kualifikimit ka hedhur Karabaku, që fitoi 2-1 në Nikozi ndaj APOEL. Emreli e Gueje shënuan për kampionët azerë, që në turin e parë eliminuan Partizanin e më pas kaluan me lehtësi Dundalkun, kampion në fuqi në Irlandë.

https://youtu.be/X7dWiZO-4ng

Tratativa me Djajtë e Kuq duket se mori fund, por Dibala tani ka një ofertë të re nga Anglia.

Totenhemi ka ofruar 70 milionë euro dhe Juve ka dhënë OK, duke ia kaluar topin sulmuesit argjentinas. Nëse Dibala gjen marrëveshjen deri te enjten, mbyllet gjithçka para mbylljes së merkatos në Angli.

28-vjeçari ka lënë Mançester Sitin në këmbim të Zhoao Kanselos, por Juve ka marrë edhe 30 milionë euro.

??? @2DaniLuiz pic.twitter.com/yVXY0mYuCD

— JuventusFC (@juventusfc) August 6, 2019

Shkëmbimi ka zemëruar tifozët e Juves, sepse në Twitter ka plasur ironia, me tifozë të shumtë që tallen me një mbrojtës që dy sezonet e fundit ka qenë rezervë te Siti.

“Mirë se erdhe Zebina”, “Erdhi zoti Plusvlera”, “Kujtova se ishte Lukaku apo Pogba”, “Klub qesharak që merr mbeturinat e të tjerëve”, ishin disa nga komentet e tifozëve.

? pic.twitter.com/l4v6itRDRy

— JuventusFC (@juventusfc) August 6, 2019

Këtë verë ka pasur spekulime pa fund, por Barça nuk po arrin të gjejë blerës, edhe për faktin se çmimi i Kutinjos është mbi 120 milionë euro.

Për këtë arsye, Barcelona po mendon ta huazojë fantazistin dhe Mançester Junajtid e Totenhemi janë gati ta marrin.

Junajtid kërkon Eriksen dhe në këtë mënyrë do i hapte rrugë Totenhemit, por nëse Gjelat nuk e shesin danezin, atëherë Kutinjo do kthehej në prioritet për Djajtë e Kuq.

Një projekt absurd, pasi Dinamo do të luante në Korçë dhe do të konsiderohej si vazhdues i misionit të Skënderbeut, pikërisht klubit që ndikoi në shkatërrimin e “Nëndetëses blu” në 2011.

Megjithatë, Supersport raporton se Takaj ka hequr dorë nga planet e tij për Dinamon, ndoshta edhe për vështirësinë e blerjes së klubit nga kryeqyteti.

Tani Takaj do të vijojë të mbajë Skënderbeun, gjithnjë nëse nuk ndryshon plan dhe merr ndonjë klub të vogël afër Korçës.

PSG nuk pranon të bëjë shkëmbim, ndaj ka lindur ideja e huazimit të sulmuesit brazilian, por me detyrim blerjeje verën e ardhshme.

Deri atëherë Barcelona do të ketë gjetur mënyrën për të shitur lojtarë dhe për të mos shkelur Fair Play financiar.

Në pritje që të shitet Lukaku, Red Devils po tentojnë një goditje të bujshme: të blejnë mesfushorin Kristian Eriksen nga Totenhemi.

Danezi kushton rreth 60 milionë sterlina, shifër që Totenhemi do ta investojë për blerjen e mesfushorit Lo Celso nga Betis.

Nëse nuk arrihet marrëveshje deri të mërkurën, Junajtid do të tentojë huazimin e Filipe Kutinjos nga Barcelona.

Ditën e djeshme zhvillohej java e parë e National League në Angli (divizioni i pestë). Ebbsfleet priste ekipin e Halifax, por ndeshja nisi ters për vendasit.

Mbrojtësi King u ndëshkua me të kuqe në minutën e 9-të dhe miqtë kaluan në avantazh pas dy minutash. Edhe miqtë kishin një King në ekip, i cili goditi fort dhe përfitoi nga një gafë e pafalshme e portierit. Vendasit treguan karakter dhe barazuan rreth fundit të pjesës së parë.

Halifax nuk u përmbajt në 45 minutat e dyta, shënoi edhe tre herë të tjera dhe siguroi tre pikëshin e parë, duke fituar me rezultatin 1-4.

Goli i fundit u shënua nga Klark në minutat shtesë. Mbrojtësi lëshoi një “predhë” nga shumë larg (0:58), zuri portierin vendas të papërgatitur dhe topi u ndal në rrjetë. Një gol fantastik që vulosi fitoren e miqve dhe ditën jo të Ebbsfleet, sidomos portierit Nathan Ashmore.

Sulmuesi i famshëm anglez është aktualisht pjesë e DC United në Amerikë, ku ka nisur sezonin e dytë dhe mbetet një pikë referimi, përtej moshës.

Megjithatë, prej janarit Runi do të bashkohet me Derbin në Angli dhe ka zyrtarizuar pozicionin e tij, lojtar-trajner.

Drejtimin e Derbit e ka marrë këtë verë holandezi Filip Koku, ndërsa Runi do të jetë ndihmësi i tij dhe do të hedhë hapat e para si trajner.

Derby County x @WayneRooney. ??#WR32

— Derby County (@dcfcofficial) August 6, 2019

Edhe në Spanjë ka lojëra të pista, si rregulli i Federatës Spanjolle që lejon një klub të blejë licencën e një klubi të përjashtuar nga kampionati, duke mos marrë parasysh kriterin sportiv.

Këtu ka përfituar Zherard Pike, i cili ka ngjitur ekipin e tij FC Andorra në Divizionin 3 pa luajtur fare.

E bleu vjet në Kategori 5 për 300.000 euro, e ngjiti direkt në Kategori 4 dhe këtë verë Pikë bleu për 450.000 euro vendin e FC Reus Deportiu, që falimentoi në pranverë. Në teori i takonte Kompostelës të ngjitej, si ekipi me renditjen më të mirë pas ekipeve të ngjitura në D3, por paraja dhe rregulloret sipas qejfit ngjitin kë të duan.

Francezi e mbylli aventurën franceze me 24 trofe të fituar, nga të cilat 9 tituj kampionë, duke vendosur një rekord për fitimin e Bundesligës.

36-vjeçari pritet të transferohet në Arabinë Saudite. Kicker raporton se një ofertë e majme ka ardhur nga Al-Nassr Riad. Dy vite kontratë i ofron klubi arab Riberisë, i cili pritet ta pranojë këtë ofertë dhe të nisë një aventurë të re në karrierën e tij.

Kështu Naço mbetet zgjedhje e tretë në mbrojtje. Kjo është e papranueshme nga ai dhe largimi është shumë pranë. Roma interesohet për 29-vjeçarin. Largimi i Manolas i detyron italianët të sjellin një mbrojtës cilësor. Bëhet fjalë për një operacion pre 20 milionë eurosh.

LËVIZJET E MERKATOS SË VERËS

PARTIZANI
Afrime: Enea Bitri (rikthim nga huazimi – Kamza), Uilliam Kordeiro (Kukësi), Esin Hakaj (Teuta) , Rron Broja (Shkupi), Jozef Ekuban (huazim – Hellas Verona), Brian Braun (Reno 1868), Aldo Teqja (Skënderbeu), Theofilus Solomon (Ujpesht), Deian Boldor (Hellas Verona – huazim)

Largime: Skënder Gega, Rubin Hebaj (përfundim huazimi – Domzhale), Dilly Duka, Sodiq Atanda (Hapoel Kfar Saba), Ardit Hila, Lum Rexhepi, Dashamir Xhika (Kukësi)
Trajner: Franko Lerda, i konfirmuar

KUKËSI
Afrime: Arlind Kalaja (rikthim nga huazimi-Kastrioti), Ilir Avdyli (Kamza), Emiljano Musta (Flamurtari), Marko Van Basten Çema (Dinamo), Bruno Lulaj (Skënderbeu), Tome Kitanovksi (Sabail), Enis Gavazaj (Skënderbeu), Oumar Kamara (Besëlidhja – huazim), Mirlind Daku (Osijek – huazim); Armend Çajani (Genç Kalemler)

Largime: Maurice Gomis (përfundim huazimi – SPAL), Rexhinaldo (Shahter Karagandi), Irakli Dzaria, Uilliam Kordeiro (Partizani), Arlind Kalaja (Teuta), Kristi Joti, Faton Maloku (Drita), Arbër Çyrbja (Teuta), Ernest Gjoka, Simo Rrumbullaku, Stivi Frashëri
Trajner: Shpëtim Duro, i konfirmuar 

TEUTA
Afrime: Dajan Shehi (rikthim nga huazimi – Kastrioti), Xhonathan Lajthia (rikthim nga huazimi – Erzeni) ; Rustem Hoxha (Luftëtari), Blagoja Todorovski (Shkëndija Tetovë), Aleksandro Kuro (Kerkyra), Albano Aleksi (Luftëtari), Arlind Kalaja (Kukësi), Darko Nikaç (Iskra); Orjan Xhemalaj (Erzeni), Arbër Çyrbja (Kukësi), Emiljano Vila (Kerkyra)

Largime: Erlis Frashëri (Gjilani), Latif Amadu, Ditmar Bicaj (Bylisi), Seku Kamara (përfundim huazimi – Besëlidhja), Dajan Shehi (Vllaznia), Esin Hakaj (Partizani), Armando Vajushi, Klinti Qato, Bubakar Traore (Hapoel Kfar Saba), Tefik Osmani (Tirana), Gerhard Progni (Gjilani), Tomislav Bushiç (Gjilani)
Trajner: Bledi Shkëmbi, i konfirmuar

LAÇI
Afrime: Kirian Nuabueze (Drita), Aleksandar Ignjatoviç (Sloboda Tuzla), Rudolf Turkaj (Iliria), Renato Spahiu (Kronos Argyradon), Aleksandros Zaimi (Apollon Larisa), Teldiano Zhunior – Teko (Treze), Julian Shehu (Kastrioti), Flosard Malçi (Ilsyakos), Damian Gjini (AOX Kissamikos), Dimitri Stazhila (Al Mojzel) 

Largime: Malik Mane (Atyrai), Bojan Najdenov, Ivan Galiç, Jon Mersinaj dhe Enis Çokaj (përfundim huazimi-Lokomotiva Zagreb), Denis Pjeshka, Klaudio Çema, Antoni Okpotu (Difaa El Jadida), Sebastian Toro, Fjoart Jonuzi, Erisildo Smaçi (Apolonia), Ded Bushi (Besëlidhja), Gentian Selmani (Menemespor), Ndriçim Shtubina (Vllaznia), Nikola Eler

Trajner: Sulejman Starova, i konfirmuar

Trajner: ?

FLAMURTARI
Afrime: Semir Bajraktareviç (Maccabi Ahi Nazareth); Largime: Lejdi Liçaj, Emiljano Musta (Kukësi), Elton Kale (Tirana), Idriz Batha (Tirana), Agustin Torasa (Tirana), Enea Koliçi, Blerim Kotobelli, Franc Veliu, Artim Pollozhani, Argjend Mustafa (Drenica), Andi Ribaj, Ilir Daja
Trajner: Gerd Haxhiu, i konfirmuar 

LUFTËTARI 
Afrime: Ardit Hoxhaj; Largime: Shkëlzen Ruçi (Gjilani), Albano Aleksi (Teuta), Rustem Hoxha (Teuta), Xhekson (Gjilani), Vladimir Esin, Oltion Rapa (Gjilani), Mërgim Neziri (Aalen 1921), Ismael Dunga (Tirana), Edvan Bakaj (Tirana), Realdo Fili, Dimitri Koconis (Panachaiki), Behar Ramadani (Vllaznia)
Trajner: Klevis Dalipi, i konfirmuar

TIRANA
Afrime: Elton Kale (Flamurtari), Agustin Torasa (Flamurtari), Idriz Batha (Flamurtari), Ismael Dunga (Luftëtari), Edvan Bakaj (Luftëtari), Pano Qirko (Flamurtari), Tefik Osmani (Teuta)

Largime: Toni Mauexhe (Al Arabi FC), Namdi Oduamadi, Junus Sentamu, Vincent Atinga, Bedri Greca (Gjilani), Marvin Turtulli, Klisman Cake (Struga Trim-Lum)
Trajner: Ardian Mema, i konfirmuar

VLLAZNIA
Afrime: Herald Marku (Kastrioti), Dajan Shehi (Kastrioti), Filip Gligorov (Dunarea Çalarashi),  Aleksandar Ristevski (Pobeda), Behar Ramadani (Luftëtari), Ndriçim Shtubina (Laçi), Maksim Çojoçaru (Çodru Lozova)

Largime: Dan Ignat, Valto Zeqaj, Dejvi Bilali, Kollins Eziamaka, Alsid Tafili (Liria Prizren), Erind Selimaj (Flamurtari Prishtinë), Silvio Zhunior (Zlate Moravce), Olsi Gocaj, Antonio Marku
Trajner: Mirsad Jonuz, i konfirmuar

BYLISI
Afrime: Edison Ndreca (Kastrioti), Donald Mëllugja (Besa), Eridon Qardaku (Vllaznia U19), Davor Taleski (Larisa), Eltun Turabov (Sabah), Majkëll Peçi (Kamza), Ditmar Bicaj (Teuta)

Largime: Dose Kofi, Ildian Shyti (Pogradeci), Aldo Kullira, Alfred Zefi, Eri Lamçja, Mario Bytyçi (Burreli), Mustafa Xhixhiua (Erzeni), Elis Doksani
Trajner: Veljko Dovedan, i konfirmuar

Së fundmi një tjetër klub anglez ka shfaqur interes për 22-vjeçarin. Bëhet fjalë për londinezët e Uest Hem, të cilët sipas medies zvicerane “Blick” janë të gatshëm për të paguajnë 10 milionë euro për të siguruar shërbime e Ajetit.

Në ndryshim nga Uest Bromuiç Albion, Uest Hem është një ekip me financa shumë të shëndosha dhe plotësimi i kërkesave të lojtarit vështirë të jetë problem. Megjithatë, konkurrenca në këtë klub është shumë më e larë me lojtarë si Haller dhe Çiçarito, të cilët janë një nivel shumë  i lartë nga konkurrenca me të cilën është mësuar Ajeti deri më tani.

Megjithatë, te Ostende kanë menduar për të shtuar konkurrencën në sulm. Mediet belge raportojnë se klubi belg ka arritur akordin me Zulte Varegen për huazimin 1-vjeçar të sulmuesit nga Guinea, Idrisa Syla.

Futbollisti afrikan do të jetë rivali kryesor i Gurit për një vend në formacioni titullar te skuadra belge. Syla, 28 vjeç, ka një ”CV” interesante me eksperienca të mëparshme në ekipe si Anderleht dhe anglezët e  QPR.

“Jam shumë i lumtur që jam këtu dhe jam pjesë e këtij klubi të lavdishëm. Nuk di çfarë të them, përveçse jam entuziast dhe i nderuar që jam këtu. Milani është një nga klubet më të lavdishme në botë për historinë e tyre. Kur Milani telefonon, nuk mund të thuash ‘jo’. Thjesht duhet të shkosh atje!”

“Nuk e prisja gjithë këtë përparim timin sepse tre vite më parë nuk isha duke luajtur për ekipin tim kombëtar. U tregova i duruar, u stërvita shumë dhe tani gjithçka është e bukur. Jam shumë i lumtur. Do të jap gjithçka, mezi pres të filloj dhe ju siguroj se jam 2000% gati”, u shpreh algjeriani i talentuar.

Moldavi Çojoçaru është lëvizja surprizë e  Vllaznisë. 19-vjeçari aktivizohet si mesfushor dhe vjen nga kampionati moldav, ku sezonin e kaluar është aktivizuar me Çodro Lozovës. Çojoçaru është i treti futbollist i huaj që i bashkohet Vllaznisë në këtë merkato pas maqedonasve Gligorov dhe Ristevski.

Krahas dy afrimeve të mësipërme, klubi ka njoftuar dhe arritjen e rinovimit me mesfushorin shkodran Florind Bardulla, i cili do të vazhdojë të jetë pjesë e Vllaznisë edhe për sezonin e ardhshëm.

Ditën e nesërme e ekipi i drejtuar nga Mirsad Junuz niset drejt qytetit të Ohrit ku do zhvillojë fazën përgatitore në kuadër të sezonit të ri.

Musliu ka nënshkruar për tri vite dhe do të përfitojë 170 mijë euro në sezon, plus bonuse. Në muaj, 24-vjeçari do të përfitojë 14 mijë euro. Sezoni në Hungari ka nisur dhe Musliu shpreson të aktivizohet në javën e dytë të kampionatit, që luhet këtë fundjavë.

Arbër Basha, ish-mesfushori i Shpresave kuqezi, firmosi sot për ekipin e Kastriotit, pas një aventure 1-vjeçare në Estoni me ekipin e Narva Trans. 21-vjeçari ka folur për Sport Ekspres menjëherë pas zyrtarizimit të tij, duke shpjeguar pse zgjodhi Kastriotin, objektivat e këtij sezoni dhe të ardhmen e tij:

“Unë mendova rikthimin në futbollin shqiptar për arsyen se dua të njihem nga sportdashësit shqiptarë. Faktikisht, kisha oferta dhe nga Superliga, nga 2-3 ekipe të mira. Vendosa të firmos te Kastrioti pasi është një ekip shumë i mirë, pretendon të ngjitet në Superligë, një ekip që i jep mundësinë lojtarëve të rinj.

“Vrapova më shumë pas minutave, e rëndësishme për mua është që të luaj sa më shumë. Jam ende në një moshë të re dhe kjo gjë është primare për mua. Shpresoj që të ngjitemi në Superiore këtë sezon, i cili është dhe synimi, dhe vitin tjetër të luaj dhe në Superiore”.

E ardhmja? Pse jo të provoj dhe njëherë tjetër të transferohem jashtë Shqipërisë. Shpresoj që të arrij te një ekip sa më i mirë në një kampionat të huaj. Por fokusi momental është që të bëj sa më mirë te Kastrioti dhe shpresoj që t’i arrijmë të gjitha objektivat”, u shpreh Basha.

Këta të fundit i kanë propozuar Monakos një shkëmbim kokë më kokë midis dy sulmuesve. Pelegri debutoi me Xhenoan në Serie A në moshën 16-vjeçare dhe klubi francez shpenzoi 25 milionë euro janarin e vitit të kaluar për shërbimet e tij.

Dy klubet arritën akordin për shitjen e Andre Silvës për shumën e 30 milionë eurove, por marrëveshja u prish në momentet e fundit. Monako vazhdon të insistojë për sulmuesin luzitan, ndërsa Milani kërkon talentin italian në shkëmbim.

Mësohet se Vllaznia ka nisur bisedimet me ish-mesfushorin e kombëtares, Armando Vajushi, i cili luajti me Teutën në gjysmën e dytë të sezonit të shkuar. “Djemtë e Detit” dhe Vajushi nuk e vazhduan bashkëpunimin dhe 27-vjeçari është lojtar i lirë.

Vajushi e ka nisur karrierën e tij pikërisht te skuadra e Vllaznisë, me të cilën ka luajtur për tre sezone. Në Superiore, Vajushi ka luajtur 55 ndeshje me Vllazninë, duke shënuar 8 gola.

Rustem Hoxha u rikthye te Teuta pas dy sezonesh dhe duket mëse gati për startin e sezonit. Pasi u aktivizua si titullar në dy takimet kundër Ventspils (Kualifikuese, Europa League), 28-vjeçari e ka kthyer fokusin e tij te fillimi i kampionatit shqiptar.

Në një intervistë për Sport Ekspres, Hoxha tregoi pse zgjodhi rikthimin te Teuta, ambientin që gjeti në skuadër dhe objektivat e sezonit. Në fjalën e tij, mbrojtësi u shpreh:

U rikthyet te Teuta pas dy sezonesh. Pse e bëri Hoxha këtë zgjedhje?

“Teuta është shtëpia ime dhe ishte një vlerësim shumë i mirë që më bëri presidenca dhe profesor Shkëmbi. I falënderoj për besimin. Shpresoj që t’ua shpërblej besimin me paraqitje shumë të mira dhe me arritjen e objektivave në fund”.

Si e keni gjetur skuadrën pas rikthimit?

“Këtu gjeta një ambient shumë të mirë, të ngrohtë, me një grup futbollistësh shumë të mirë e cilësorë, si dhe me një staf shumë të përgatitur”.

Deri ku mund të arrijë kjo Teutë?

“Mendoj se kemi një skuadër të mirë, me një grup futbollistësh cilësorë dhe me talente të rinj. Po stërvitemi shumë mirë, kam besim se në fund do t’i arrijmë të gjitha objektivat që do të na vendosë klubi”.

Si e shikon faktin që janë shtuar futbollistët durrsakë në skuadër?

“Është diçka shumë pozitive, pasi janë lojtarë që e njohim ambientin. Mbi të gjitha, janë dhe lojtarë cilësorë e shumë të mirë, e kanë vërtetuar kudo ku kanë luajtur. Është diçka e mirë, si për klubin, ashtu dhe për tifozët. Shpresoj që këtë sezon ta kemi tifozerinë edhe më afër”, përfundoi Hoxha.

https://www.instagram.com/p/B0ywHJKD912/?igshid=1qs3xlfborgij

Me këtë finalizim Roshi i dha fund një pritje më shumë se 1-vjeçare. Goli i fundit i fierakut datonte më 17 maj të 2018-ës. Sigurisht në këtë statistike të keqe ndikoi dëmtimi i rëndë i pësuar në gju prek të cilit 28-vjeçari qëndroi për gati 8 muaj larg fushave të blerat.

Në ndeshjen e sotme Roshi u aktivizua si rezervë duke zëvendësuar në fillim të pjesës së dytë shqiptarin tjetër të Ahmatit, Bernard Berisha.

Sipas medies franceze “L’Equipe”, blerja e radhës për skuadrën e drejtuar nga Marko Silva do të jetë futbollisti i Monakos Dzhibril Sidibe. Mbrojtësi i krahut të djathtë do t’i bashkohet ekipit anglez në një marrëveshje huazimi për një sezon me opsion blerje për 14 milionë euro.

Tri vite më parë Sidibe ishte një ndër lojtarët kyç të Monakos në fitimin e titullit kampion të Francës, por në dy sezonet e fundit 27-vjeçari ka treguar një formë të dobët me dëmtime të shpeshta.

Futbollistët më të fundit që i bashkohet Erzenit janë mesfushori Xhynejt Çutra dhe sulmuesi Ermir Rezi. Mesfushori kryeqytetas është një lojtarë me shumë eksperiencë në Kategorinë e Parë. 30-vjeçari është prej 7 vitesh një lojtar i rregullt i këtij kampionati ku ka luajtur me skuadra të ndryshme.

  Durrsaku Rezi rikthehet te Erzeni pas tri vitesh. Sulmuesi 25-vjeçar ruan kujtime të bukura nga përvoja e mëparshme me shijakasit, ku në sezonin 2015/2016 shënoi 22 gola.

Gjithsesi, bardhezinjtë nga Torino kanë ofruar tre lojtarë për shërbimet e mesfushorit francez: Paulo Dibala, Blez Matuidi dhe Mario Manxhukiç! Një ofertë tunduese për “djajtë e kuq” të Solskjaer, ndërsa drejt ishullit kanë udhëtuar dyshja Paratiçi-Nedved.

Drejtuesit e “Zonjës së vjetër” kanë qenë në shoqërinë e agjentit Mino Raiola dhe kanë takuar Pogba. Qëllimi është gjetja e një akordi me lojtarin dhe pritja e përgjigjes pozitive nga Mançester Junajtid.

Një prej tyre, në momentin kur po kalonte argjentinasi, ka dashur t’i tregojë diçka të rëndësishme. Reporterja i ka thënë sulmuesit se motra e saj e dashuron yllin e Sitit.

Aguero njihet për përgjigjet e tij me nuanca shakaje dhe e ka pranuar admirimin e motrës së reporteres, madje i ka kërkuar të dalin bashkë. Pas kësaj nuk janë ndalur të qeshurat.

Gazetarja: Aguero, motra ime të dashuron.

Aguero: Shkëlqyeshëm! Thuaji të dalim sonte.

“Aguero, my sister loves you”

“Great, tell her to come round tonight”

Probably can’t hear the last line but you’ll hear the two lads in front laughing ? pic.twitter.com/l5LJwsAKmD

— Sam Lee (@SamLee) August 4, 2019

Kreu i The Reds ka “sulmuar” Serie A për shkak të mos pasjes së rivalitetit dhe garës për titull që ekziston në ishull, aty ku në sezonin e fundit ekipi kampion është vendosur në javën e fundit.

“Në Itali nuk ka garë dhe kompeticion, sepse fiton gjithmonë e njëjta skuadër: Juventusi. Nuk është si në Premier Ligë. Vitin e shkuar ne dhe Mançester Siti zhvilluam një duel fantastik, të denjë për këtë sport. Është e rëndësishme që të ketë gjithmonë rivalitet për titullin kampion në një kampionat si i yni”, thekson presidenti i gjashtë herë fituesve të Champions Ligës.

Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

“Në momentin që ne flasim klubi i futbollit Skënderbeut vazhdon të administrohet në trajtën e një shoqate. Klubi i futbollit është administruar nga presidenti dhe anëtarët e tjerë të asaj shoqate. Nga informacionet që unë kam nga presidenti i klubit, çështja është ankimuar në gjykatën federale të Zvicrës, pritet një vendimmarrje në qershorin e vitit të tjetër. Është një pozitë delikate pasi vendimi për dënimin e Skënderbeut është në fuqi”.

“Jam duke qëndruar në kontakt me presidentin për të parë se kush mund të jenë alternativat e përfaqësimit të qytetit të Korçës në futboll, në raport me kompeticionet e ndryshme, qofshin këto kombëtare ose ndërkombëtare”, tha Filo.

Pronari i klubit anglez, Mel Morris, i ka ofruar 33-vjeçarit të vijojë karrierën me skuadrën që militon në Championship, ku krahas të luajturit futboll do të jetë ndihmës-trajner Filip Koku. Holandezi do të ishte një mentor perfekt për hapat e parë të Runit në rolin e trajnerit.

Megjithatë, ka një pengesë të madhe që e pengon këtë lëvizje. Kontrata e Runit me amerikanët  e DC United mbaron pas një viti e gjysmë dhe gjasat që klubi amerikan ta lërë të lirë lojtarin pa një kompensim financiar janë të pakta.

Runi e ka shprehur shumë herë se dëshiron që pas futbollit të luajtur të provojë veten si trajner dhe përgatitjet për këtë i ka filluar duke marrë licencat e para si trajner.

Roma ka gati një muaj kohë për të sjellë një tjetër sulmues. Ante Rebiç është emri kryesor në tavolinë. Verdhezinjtë do të nisin një operacion me vlerë 45 milionë euro për kroatin e Ajntrahtit të Frankfurtit.

Mbrojtësi është një përforcim i rëndësishëm për Bylisin, pasi ka shumë eksperiencë në kampionatin shqiptar të futbollit. 30-vjeçari do të nisë sezonin e tij të 10-të në Superiore, kësaj radhe me fanellën e Bylisit.

Këto dy takime miqësore, do të zhvillohen në kompleksin “Zenice Training Center”. Grumbullimi i kuqezinjve tanë starton me datë 9 gusht, në Shkodër. Miqësorja e parë, ajo e datës 13, do të luhet në orën 17:00, ndërsa dy ditë më vonë, kuqezinjtë e drejtuar nga Beqiri zbresin në fushë në orën 10:00.

Miqësore, U17

Shqipëri – B. Hercegovinë (13 gusht, 17:00)

B. Hercegovinë – Shqipëri (15 gusht, 10:00)

Në studion e emisionit “Rubrika Sportive” në “RTSH”, trajneri i njohur Shkëlqim Muça u shpreh pro vendimit të gjyqtarit kroat, pasi sipas tij goli i Sherif nuk është në shkelje të rregullores.

GOLI I SHERIF – “Të mos flasim si tifozë. Rreshtimi i skuadrës në këtë rast është skandaloz. Qendra e mbrojtjes është krejtësisht bosh. Aty duhet të ketë të paktën 3 ose 4 lojtarë. S’duhet të kenë pishman fare, por duhet të nxjerrin mësime. Për mua është gol i rregullt. S’ka prekje me dorë, s’ka shtyrje. Numri 4 duhet të rrinte përpara lojtarit dhe jo mbrapa. Unë nuk shikoj gjë të parregullt në këtë gol. Për mendimin tim arbitri kryesor ka pyetur anësorin për arsyen e ngritjes së flamurit dhe më pas e ka pyetur nëse lojtari që shënoi golin ishte pozicion jashtë loje”.

PARAQITJE E EKIPEVE SHQIPTARE NË EUROPË – “Në këtë periudhë, që është shumë e rëndësishme, ekipet shqiptare gjenden të papërgatitura. Skuadrat e mira i marrin masat që në muajin janar e shkurt për këto ndeshje, pasi kemi të bëjmë me një kompeticion shumë të ndryshëm. Ka ndryshime të shumta dhe faza përgatitore të programuara në mënyrë jo të duhur. Ekipet e tjera zhvillojnë 6 ose 7 miqësore, ndërsa ne shumë më pak. Kjo është një problematikë shumë e vjetër e ekipeve shqiptare. Kështu ka qenë edhe kur trajnoja unë, asgjë s’ka ndryshuar”.

Sipas tyre kjo ofertë është qesharake sepse Pogba vlen 150 milionë euro. Mjaft i vështirë ky operacion edhe nëse shtohet oferta, pasi merkato në Angli mbyllet më pas vetëm katër ditësh dhe është gati e pamundur që “Djajtë” të gjejnë një zëvendësues për francezin brenda kësaj periudhe.