Realdo Fili u largua nga Luftëtari pas shumë problemeve që kishte me drejtuesit e skuadrës. Mbi të gjitha një përplasje me tifozët pas humbjes me Tiranën solli edhe penalizimin e lojtarit, që u dërgua tek të rinjtë.
Por duhet të theksojmë se deri në atë moment, Fili ishte lojtari më i mirë i bluzinjve. Sapo shpalli largimin nga Luftëtari, interesi nuk mungoi nga ekipet e Superiores, ndërsa Vllaznia ishte ekipi që e donte më tepër.
Dëshira nuk u realizua pasi Fili ka shkuar te skuadra e Botoshanit. Së fundmi është publikuar edhe një foto nga zyrtarizimi i kësaj marrëveshje, me futbollistin që pozon me fanellën e re. /Sport Ekspres/