Atalanta arriti të mrekullonte këdo këtë sezon, me bergamaskët që përveçse arritën të shkonin deri në finalen e Kupës së Italisë, e mbyllën kampionatin në vendin e tretë, duke siguruar pjesëmarrjen në Champions League për herë të parë në historinë e tyre.
Dirigjent i gjithë këtij suksesi ishte padyshim Xhanpiero Gasperini, me trajnerin që i mahniti të gjithë. Spekulimet ishin të shumta për italianin, teksa mediat e lidhnin të ardhmen e tij me Romën apo me Milanin.
Presidente #Percassi: “#Atalanta e #Gasperini avanti insieme!” ??
? Il comunicato ? https://t.co/GEcGLev9j6#Atalanta3uropa #GoAtalantaGo ??? pic.twitter.com/DdaDLTTNu0
— Atalanta B.C. (@Atalanta_BC) May 29, 2019
Gjithsesi, ditën e sotme është vulosur gjithçka, pasi ka ardhur dhe vendimi zyrtar. Gasperini ka rinovuar zyrtarisht kontratën me Atalantën dhe do të vijojë projektin e tij me klubin bergamask. Këtë gjë e ka kominukar presidenti i klubit, Perkasi, i cili u shpreh mjaft i lumtur në fjalët e tij, ku edhe zbuloi se me rinovimin e kontratës paga e trajnerit është përmirësuar ndjeshëm.