ZYRTARE/ Lacio “prangos” Strakoshën, rinovim me rritje page

Lacio është një ndër zbulimet e sezonit të ri në Serinë A, sepse askush nuk e priste të ishte kaq pranë dhe mbi të gjitha të fitonte edhe në Torino ndaj Juventusit kampion. Heroi atë ditë ishte Thomas Strakosha, i cili priti penallti në shtesë, por portieri shqiptar e ka treguar prej kohësh klasin e vet dhe tashmë është një pikë kyçe në formacionin e trajnerit Simone Inzagi.

Për pasojë, Lacio merr masat për ta “blinduar”, duke rinovuar me portierin kuqezi, i cili ka firmosur deri në vitin 2022, me një rritje të konsiderueshme page (ende e papublikuar). Duhet kujtuar se këtë sezon Strakosha nuk ka munguar asnjë minutë në formacionin e Lacios.

Ndërkaq, edhe sulmuesi kryesor Çiro Imobile ka firmosur deri më 2022 dhe do të fitojë rreth 2.5 milionë euro, plus bonuse për golat dhe për arritjet e skuadrës.

Leave a Reply

Your email address will not be published. Required fields are marked *