“Sport Ekspres” ka publikuar vetëm para 2 ditësh ekskluziven se Andrea Ndoj po kontaktohej nga Greqia dhe helenët po bënin gjithçka për ta bindur. Madje duke i ofruar mesfushorit shkodran edhe shiritin e kapitenit.
Pa kaluar shumë orë, frika e madhe bëhet realitet. Futbollisti i Olimpiakos U-17 është grumbulluar nga Greqia U-17 për ndeshjen e radhës që do të kenë këta të fundit në miqësore ndaj Qipros. Në listën zyrtare që është bërë publike nga ana e trajneri të kësaj grupmoshe te helenët, shihet edhe grumbullimi për herë të parë i Andrea Ndoj.
Flasim për një lojtar me kualitete të mëdha dhe që pritej me shumë interes edhe nga ana e tifozëve shqiptarë. Në muajt e fundit do të bënte edhe një jehonë të madhe në mediat sportive shqiptare, pasi arriti t’i shënonte Barcelonës U-17 duke i marrë të gjithë lojtarët kundërshtarë “zvarrë”, për të dërguar topin në rrjetë. /Sport Ekspres/
