Zbulimi i Pikesë: Gënjeva, e dinim me kohë që Nejmari do ikte

0

Pak ditë para transferimit të bujshëm të Nejmarit nga Barcelona te PSG, Zherard Piké postoi një foto në Twitter, ku shfaqej me Nejmarin dhe shkruante: “Do qëndrojë”.

Tani Piké zbulon një prapaskenë në lidhje me Nejmarin: “Nuk ndihem i mashtruar, e dija që do largohej. Ditën që postova foton në Twitter, e dija që Nejmari nuk do qëndronte, edhe pse shkrova të kundërtën. Na e tha në martesën e Mesit. Për atë postim Nejmari u zemërua, por u sqaruam”.

Po pse Piké e postoi atë mesazh? “Nuk pendohem që shkruajta ashtu dhe them edhe që Nejmari nuk më zhgënjeu. Doja të përdorja rrjetet sociale për të ndihmuar klubin, edhe pse e dija vendimin e tij”.

Gjithsesi, Piké eviton polemikat: “Di që ka pasur arsyet e tij. Mund të jenë ekonomike, ose dëshira për t’u bërë më i miri në botë. Me ne ka qenë fantastik, nuk duhet gjykuar për zgjedhjen e tij. Në fund të fundit, la shumë pará në arkat e klubit”.

SHPËRNDAJE

PËRGJIGJU

Please enter your comment!
Please enter your name here