Ylli Shameti mbyll sezonin, alarmon edhe “ylli” i mesfushës

0

Sa shumë probleme me dëmtimet të Kukësi këtë sezon. Skuadra verilindore ka qenë ajo që ka vuajtur më shumë nga mungesat e shumta dhe duket se do të vazhdojnë deri në fund të sezonit. Kukësi synon të ruajë medoemos vendin e dytë në kampionat dhe të fitojë Kupën e Shqipërisë, ku në finale do të ketë përballë Tiranën.

Gjoka duhet të bëjë pa shërbimet e kapitenit Ylli Shameti. Mbrojtësi u rikthye para disa javësh në fushat e lojës, por problemet në gju kanë bërë që ai ta mbyllë këtë sezon para kohe. Shameti nuk është problemi i vetëm për Gjokën.

Edhe mesfushori i ardhur me bujë në janar, Eduart Rroca, është stërvitur i diferencuar sot. Shkurtaj vazhdon të mos paraqitet në stërvitje dhe situata te verilindorët nuk duket aspak e mirë. Sulmuesi vlonjat me shumë mundësi nuk do të jetë i gatshëm për ndeshjen me Skënderbeun të shtunën.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.