Vllaznia, mercenarët dhe… vrima e madhe në ujë!

Shkodranët kanë arritur fundin

0

Vllaznia ra nga Kategoria Superiore dhe të gjithë menduan se më fund klubi do të shkundej fort dhe do të reagonte duke u zgjuar nga dremitja e një dekade. Nuk kishte sinjal më të fortë se zbritja në Kategorinë e Parë duke rrëzuar e më pas shkrirë ekipin e dytë. Klubi shkodran u fut në kolaps total.

Në fakt, kuqeblutë janë sërish në të njëjtën gjendje, pasi ende nuk është vendosur asnjë tullë në Vllazninë e ardhshme. E nëse bëjmë një krahasim me Tiranën e vjetshme, skuadra shkodrane është shumë më poshtë. Të paktën bardheblutë reaguan me presidentin Refik Halili që bëri disa ndryshime. Presidentja-Kryebashkiake, Voltana Ademi, nuk ka bërë ende asgjë, përveç disa deklaratave shfajësuse duke u viktimizuar deri në kockë. Pjesa tjetër, vrimë e madhe në ujë.

Disa mbledhje me figura të njohura të Shkodrës dhe asgjë! Privatizimi është një gënjeshtër e bukur, që do të përsëritet me shumë mundësi në fushatën e ardhshme elektorale të rivalit të Voltanës për Bashkinë e Shkodrës. Premtimet e presidentes se Vllaznia do të shitet në maj, në qershor, korrik, gusht, etj, etj janë të njëjta me ata të “lojtarëve-mercenarë” që në një anë shprehin dashurinë për klubin dhe premtojnë se do të qëndrojnë, ndërsa në krahun tjetër mundohem me mish e me shpirt të gjejnë ekipe të reja. Pak më burra, burra!

P.S. nuk folëm për ata që po presin me padurim të fusin në kthetrat e tyre klubin me forcë. Po, po, me forcë, pasi në Shkodër ende mbizotërojnë dhe vendosin të fortët. Ashtu si mund të vendosen këtë herë drejtorët teknikë, sportivë, por dhe trajneri!

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.