Vijnë përforcimet e para për Tiranën, një brazilian dhe një afrikan

1

Tirana ka mbyllur përforcimet e para në prag të ndeshjeve në Europa League. Bëhet fjalë për një futbollist brazilian dhe një afrikan nga Uganda, të cilët do të firmosin kontrata 3-vjeçare.

Ishte paralajmëruar prej ditësh që Ze Maria nuk do të vinte i vetëm, ndërsa tashmë kanë ardhur edhe dy emrat e parë, që janë regjistruar menjëherë për ndeshjet e turit të parë në Europa League, duke u hedhur në sistemin ndërkombëtar të transferimeve.

Ugandezi është një sulmues, Junus Sentamu, i cili është vetëm 22 vjeç dhe ka shëtitur në disa shtete, nga Afrika e Jugut deri në Tunizi, ndërsa sezonin e shkuar luajti pak muaj me Ilves në Finlandë, ku shënoi një gol në 14 ndeshje. Në vitin 2017 ka qenë pa ekip, por në janar ka luajtur tre ndeshje me kombëtaren e Ugandës.

Braziliani quhet Uellison Luiz de Oliveira Sobrau. Uellison është një mesfushor 23-vjeçar me tipare mbrojtëse, i cili luan në qendër dhe në krah.

Në vitin 2015 la Guaranin në Brazil për të kaluar te Çealaul në futbollin rumun, duke luajtur për disa muaj. Megjithatë, kur pritej që të konfirmohej në Rumani, vendosi të kthehej në Brazil, ku luajti te Taboao Serra për pak muaj dhe prej fillimit të vitit 2016ka luajtur pak muaj te Rio Preto e Mamore, duke qenë pa ekip prej 1 viti!

Ditët e ardhshme trajneri do t’i ketë në dispozicion për të nisur përgatitjet me skuadrën dhe shpresohet që forma fizike të jetë optimale, për të qenë në dispozicion që në ndeshjen e vajtjes.

Në vazhdim Tirana do të afrojë lojtarë të tjerë dhe deri 24 orë para ndeshjes do të ruajë një vend bosh për ndonjë lojtar cilësor të momentit të fundit.

You might also like
1 Comment
  1. Mario says

    Zefi i Tirones paska sjellur lojtar kallcuku. Njoni paska 6 muj pa lujt tjetri ka lujt deri 2016 dhe qush vjet ka pune ne plantacionet e kafes ne brazil per me bo lekt e biletes per me ardhe me lujt me tironen. Hajde Zef cfar ke sjell me vete alamet talentesh. Mjer tirona ku ka perfundu. Me puntor plantacionesh.

Leave A Reply

Your email address will not be published.

This site uses Akismet to reduce spam. Learn how your comment data is processed.