Verder Bremen po merr frytet tani. Milionat e shpenzuara për Milot Rashicën nuk kanë shkuar dëm, edhe pse për sulmuesin anësor në fillim pati kritika. Sot ai ka shënuar golin e radhës për gjermanët, që kryesojnë kundër Mainc pas tre minutash lojë.
Rashica mori një top pas shpinës së mbrojtjes mike dhe i vetëm me portierin nuk gaboi. Shifrat e djaloshit nga Vushtrria janë mjaft të mira, teksa ka gjetur golin e tetë në Bundesligë. Shtatë prej tyre i ka realizuar këtë vit.