E ka vendosur ai, i shumëprituri Dembele! Në Marok, në finalen e Superkupës së Spanjës, Barcelona triumfon ndaj Seviljes me një “silurë” të talentit të ardhur nga Dortmundi sezonin e shkuar, por që një dëmtim i prishi gjithçka…
Oh my lord Dembele #SupercopaDeEspana #BarcaSevilla pic.twitter.com/0ixM5KCyFX
— Jonah Takalua (@Destaquito2) August 12, 2018
Kampioni i botës me Francën ka zgjidhur gjithçka me një goditje të pakapshme nga portieri i Seviljes, rreth 30 metra, 10 minuta nga fundi. E megjithatë, ishte edhe Ter Shtegen protagonist, duke i pritur penallti në sekondat e fundit Ben Jederit.
Sakaq, deri në atë moment, ndeshja ishte interesante dhe andaluzët kishin goditur edhe tranversën me Vaskezin, teksa Navas gjithashtu pati shansin e mirë. Debutoi Andre Silva me Seviljen, teksa edhe Mesi provoi në të 61’.
https://www.youtube.com/watch?v=LG1rMxs2lqw
Në pjesën e parë, Sevilja kaloi përpara me anë të Sarabia, teksa do të duhej ndërhyrja e VAR-it për të shuar dyshimet, pasi fillimisht u anulua për pozicion të parregullt. Lenglet iu afrua golit të barazimit, teksa në të 42’, Mesi goditi shtyllën me goditje dënimi, por topi i kthyer i shkoi Pikesë, që e dërgoi në rrjetë.
https://www.youtube.com/watch?v=ryagmKq86bE
Kjo është Superkupa e 13-të e Barcelonës në histori. Sezonin e shkuar, po ndaj Seviljes, në Kupën e Mbretit, Barcelona fitoi me rezultatin e thellë 5-0.