Kristian Pulisiç ka nënshkruar një para-kontratë me skuadrën e Çelsit gjatë muajit janar, me Blutë e Londrës që do të paguajnë rreth 70 milionë euro për shërbimet e tij. Talenti amerikan është një nga lojtarët më cilësorë në treg dhe sot në ndeshjen e tij të fundit në “Signal Iduna Park”, e tregoi këtë gjë.
Pulisiç shënoi golin e parë të sfidës kundër Dyseldorfit, duke i dhënë avantazhin Dortmundit në minutën e 41’. Pas këtij goli, ylli amerikan shpërthen në lot dhe emocionet janë të papërshkrueshme. Edhe para fillimit të takimit, për Pulisiç pati nëj ceremoni, ku shumica e banderolave ishin: “Danke Christian”!