VIDEO/ Plas në Seria A, Balotelit i shpifet loja nga racizmi dhe del nga vetja me tifozët

Seria A po vazhdon të bëj jehonë për skandalet e ofruara në fushën e blertë. Ndeshja mes Veronës dhe Breshias nuk ka shkuar në mënyrën më të mirë të mundshme. Në minutën e 54 do të ishin koret raciste nga tifozët vendas drejt Balotelit që do të ndalnin lojën.

Mario Baloteli i irrituar ka marrë topin dhe e ka goditur drejt tifozëve, për të shprehur gjithë acarimin e tij. Sulmuesi italian doli nga fusha dhe pas disa konfrontimeve fizike me lojtarët kundërshtar, duke e pezulluar ndeshjen për disa minuta.

Pas disa thirrjeve nga zëri i stadiumit, situata u qetësua dhe loja vazhdoi. E për t’i heshtur më tepër tifozët, ka ardhur një perlë e Balotelit në minutën e 85 duke tundur rrjetën nga distanca, megjithëse Breshia humbi me rezultatin 2-1 ndaj Veronës. /Sport Ekspres/