VIDEO | Mundi kancerin, Pogba: Çfarë bekimi, Brajan je frymëzim!

0

Kanceri është një nga sëmundjet që ka shkaktuar dhimbje pafund te shumë njerëz, por jo gjithmonë triumfon e keqja dhe ka raste kur kjo sëmundje del “e humbur”. Një rast i tillë ka ndodhur me djaloshin Brajan Dodien, i cili prej tre vitesh luftonte me një tumor, që në fund ka arritur ta mundë.

Një nga mbështetjet më të mëdha për djaloshin, duket se ka qenë, Pol Pogba. Ish-mesfushori i Juventusit, ka qëndruar afër 14-vjeçarit në kohën kur luante për bardhezinjtë, me të cilët dhe djaloshi Brajan është tifoz, duke e ndihmuar jo pak në luftën që ai kishte me sëmundjen.

Brajan Dodien është rikthyer për të luajtur, teksa së fundmi, pasi hodhi tumorin pas, ka luajtur në ndeshjen Juventus-Bolonja, sfidë e vlefshme për grupmoshat u15. Pogba ka postuar një video në llogarinë e tij në Instagram, ku shfaqen momentet e tij me djaloshin, si dhe një mesazh nga Brajan, pas ndeshjes.

Mesfushori francez, së bashku me postimin, kishte bërë dhe një shkrim për 14-vjeçarin, ku kishte shkruar: “Çfarë bekimi që Brajani e mundi kancerin dhe luajti ndeshjen e tij të parë me Juventusin u15. Shumë krenar për ty miku im, faleminderit që je një inspirim për mua dhe shumë të tjerë. Shpresoj të shihemi shpejt!”.

You might also like

Leave A Reply

Your email address will not be published.