VIDEO | Milik “fenomenal”, Napoli nderohet në frymën e fundit

Napoli ka marrë një fitore të vuajtur në transfertën e Kaljarit, ku Milik ishte heroi i sfidës. Në minutën e 91-të polaku shënoi një perlë nga goditja e dënimit, për ti dhënë fitoren ekipit të tij, duke e çuar përsëri në tetë pikë diferencën me Juventusin e vendit të parë.

Ndeshja ishte mjaft e luftuar, me një Kaljari që ishte vendosur mjaft mirë, ndërsa Napoli zbriste në fushë me zgjedhjet e dyta. Pjesa e parë u mbyll në barazim 0-0, në një 45 minutësh pa raste dhe me një lojë më së shumti të kujdesshme nga të dyja ekipet.

Pjesa e dytë ishte më e mirë për Napolin, teksa me minutat që kalonin, presioni te të kaltrit shtohej akoma më shumë. Ançeloti hodhi në lojë “artilerinë” e rëndë, teksa Mertens, Insinje dhe Kajehon u futën njëri pas tjetrit në fushë. Gjithsesi, zgjidhja e takimit nuk erdhi nga tridhëmbëshi i futur në lojë, por nga këmbët e Arkadjuz Milik.

Polaku ekzekutoi në një mënyrë fantastike një goditje dënimi, ku e ndali topin në trekëndësh dhe çmendi në festë napoletanët. Kështu, Napoli merr një fitore mjaft të rëndëishme dhe diferenca me Juventusin shkurtohet përsëri në tetë pikë.

Leave a Reply

Your email address will not be published. Required fields are marked *