VIDEO/ Lazio si Tirana në Seria A! Përmbys edhe Torinon, por me Juventus që të prish mrekullitë

Lazio tregohet si Tirana në Serie A. Të dy ekipet kanë qenë mrekullia në kampionatet përkatëse, ndërsa një tjetër e përbashkët e madhe qendron te përmbysja. Bardhekaltrit kanë kthyer përmbys shifrat ditën e sotme ndaj Torinos, ku nga 1-0 e kanë mbyllur takimin në avantazhin e tyre 1-2. Një rezultat që të sjell në mendje edhe Tiranën, që bëri të njëjtën gjë përballë Skënderbeut.

Beloti do të shënonte fillimisht nga pika e bardhë e penalltisë në pjesën e parë, por me fillimin e të dytës Immobile do të sillte baraspeshën. Për të ardhur më pas në minutën e 73-të, kur skenën do e rrëmbente Parolo, që me golin e tij i jep edhe fitoren ekipit.

Por nëse bardheblutë e kanë tashmë rrugën të pastër drejt titullit, e njëjta gjë nuk mund të thuhet për Lazion. Në Itali ka një Juventus që dominon gjithçka në vitet e fundit. Bardhezinjtë vijojnë të jenë në krye, duke i prishur kështu mrekullinë Lazios, të cilët me sezonin e bërë vetëm titulli i mungon./Halit Delibashi-Sport Ekspres/

https://twitter.com/TwitSporHaber/status/1278043096773771264

Leave a Reply

Your email address will not be published. Required fields are marked *