Kartoni i kuq i Vrsaljkos në sfidën Arsenal-Atletiko Madrid tërboi Diego Simeonen, i cili nuk i mbajti nervat, duke ditur se temperamenti i tij është i tillë, teksa ka lëshuar disa herë gojën duke e sharë arbitrin me fjalën “Bir k…”. Ajo është dëgjuar nga gjyqtari i ndeshjes, francezi Klement Turpin, i cili menjëherë, në minutën e 12-të të ndeshjes, e ka përjashtuar, pasi kishte 2 minuta që mbrojtësi kishte lënë fushën pas dy të verdhash (minuta e 2-të dhe minuta e 9-të).
Ishte i kuqi më i shpejtë në këtë Europa League, një rekord negativ. Por, çfarë rrezikon Simeone? Sipas “Marca”, një ndëshkim që shkon minimalisht 2 ndeshje jashtë stolit, por mund të marrë edhe një model, në sajë të asaj që ka shkruar edhe i katërti.
https://www.youtube.com/watch?v=9JkIU5ce8ag