Armando Sadiku vazhdon të jetë protagonisti kryesor i Malagas. Në përballjen e sotme në kampionat kundër Fuenlabrada është mbyllur në barazimin 0-0.
Kjo pasi në minutën e 44 do të anullohej goli me kokë i sulmuesit elbasanas, teksa VAR e ftoi arbitrin për të rishikuar pamjet dhe për ta bërë të pavlefshëm. Por kur nuk është protagonist me të shënuar në portën kundërshtare, Sadiku do të jetë hero sërish i Malagas në një mënyrë më të veçantë. Një gol i sigurt është hequr në minutën e 73 nga porta e ekipit, ndërsa Sadiku ishte duke mbrojtur shtyllën e dytë gjatë një goditje këndi të miqëve. /Sport Ekspres/