VIDEO | Gol dhe asist, Uinterthuri ëndërron me talentin kuqezi

0

Një gol dhe një asist në një ndeshje për tu fituar. Taulant Seferi ka shkëlqyer me Uinterthurin, në suksesin 3-2 që skuadra e tij regjistroi në fushën e Araut. Edhe pse kundërshtarët mbyllin renditjen në Challenge League (kategoria e dytë zvicerane), fitorja ishte detyrim, për të qëndruar në zonën e lart të klasifikimit.

Seferi shënoi golin e dytë të ndeshjes për Uinterthurin, në minutën e 47-të, ndërkohë që u bë protagonist edhe me një asist. Më parë ekipi i tij kishte shënuar me Uajlld në pjesën e parë, ndërsa me Araun që arriti të rikthente dy herë barazpeshën, goli i triumfit për miqtë u realizua nga Slishkoviç, pas një ore lojë.

“Jam shumë i lumtur për golin, për asistin dhe për fitoren që regjistruam”, shkruante Seferi në faqen e tij zyrtare në “facebook”, ndërsa kjo ishte rrjeta e tretë sezonale për talentin e Kombëtares Shpresa. Me fitoren e arritur, Uinterthuri u ngjit në vendin e tretë në renditjen e Challenge League, në kuotën e 17 pikëve, vetëm një më pak se kryesuesit e kampionatit.

???? – Goli dhe Asisti nga #TS17 FC Aarau 2 : 3 FC Winterthur

Gepostet von Taulant Seferi am Montag, 8. Oktober 2018

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.