VIDEO | Flamurtari heroik, Tirana sheh makthet e 2017-ës!

0

Krizë totale te Tirana, që mundet në Vlorë nga Flamurtari me rezultatin 1-0 dhe tashmë Kastrioti i parafundit është vetëm tre pikë larg. Hijet e mbijetesës janë shfaqur, ndaj bardheblutë në vazhdim duhet të kenë kujdes. Sigurisht, fitorja e Flamurtarit nuk është aspak surprizë. Protagonist Xhevahir Sukaj, autor i golit të vetëm.

Tirana, ndërkohë nuk di të shënojë, madje as me penallti. Imami, pati mundësinë të realizonte nga pika e bardhë. Gjuajtja e mbrojtësit shkoi jashtë kuadratit. Pikëllim në kampin bardheblu, ndërkohë që ka disa momente që Tirana mund ta zgjidhte takimin.

Lojtarët nuk bënë zgjidhjet e duhura dhe skuadra kryeqytetase e vuajti këtë pjesë. Një humbje që rëndon në kampin bardheblu. Presioni sa vjen e rritet, kurse Flamurtari realisht është në garë për vendin e tretë. Së bashku me Laçin tanimë numërojnë vetëm dy pikë më pak se Teuta. Pa paga, por karakter dhe pikë të rëndësishme.

KATEGORIA SUPERIORE – JAVA 27
E shtunë, më 6 prill 2019, ora 18:45
Stadiumi “Flamurtari”, Vlorë

Flamurtari – Tirana  1-0
Shënues: Sukaj 28′

EPISODET

83′ – Oduamadi përparon dhe futet në zonë, gjuan nigeriani dhe topi shkon mbi traun e portës.

80′ – Sukaj largohet me duartrokitje nga fusha e blertë. Mesfushori Ymeraj është lojtari i përzgjedhur nga trajneri Daja.

64′ – Oduamadi aktivizohet nga trajneri Ardian Mema. Sentamu lë fushën e blertë. Më parë Muçi ka zënë vendin e Halilit.

50′ PENALLTI- Hoxhallari pengohet në zonë dhe Jorgji jep penallti. Imami merr përsipër ekzekutimin dhe e dërgon topin jashtë.

RASTI I PENALLTISË

28′ GOOOL: Sukaj realizon. Musta godet nga jashtë zone, portieri Abibi e devijon topin dhe shkodrani shënon

19′ – Sentamu kishte një mundësi të mirë, por vonohet në gjuajtje. Mund edhe të shërbente për Halilin, i cili ishte pranë

7′ – Idrizi batha me një goditje dënimi kërkon kuadratin, topi shkon mbi traun e portës.

Po luhet takimi në Vlorë…

Flamurtari: Koliçi, Deliaj, Veliu, Pollozhani, Kotobelli, Musta (Beqaj 87′), Kale, Ribaj, Batha, Rrapaj (Mustafa 68′), Sukaj (Ymeraj 80′). Trajner: Ilir Daja

Tirana: Abibi, Kërçiku, Turtulli, Imami, Hoxhallari, Hasani, Karabeci (Goxha 83′), Kobinah, Maveje, Halili (Muçi 55′), Sentamu (Oduamadi 64′). Trajner: Ardian Mema

Gjyqtarë: Enea Jorgji; Devis Korreshi; Mateo Sadikaj; Fatmir Lamaj; Andi Koçi

Kartonë të verdhë: Sukaj 17′, Batha 30′, Deliaj 72′  / Turtulli 6′, Mauexhe 35′, Kërçiku 85′

You might also like

Leave A Reply

Your email address will not be published.