VIDEO/ Enis Bardhi ndizet keq me golat në “La Liga”, alarmi që mbërrin në Kosovë për…”luftën mes shqiptarëve”

Nga Klaudio Ndreca

Enis Bardhi ka arritur që të realizojë sërish edhe në këtë javë në “La Liga”, teksa Levante po fiton me rezultatin 4-1 ndaj Betis. Pas një goli që u kujtoi të gjithëve Lionel Mesin pak kohë më parë, sulmuesi shqiptar vjen me një tjetër realizim të bukur nga një pozicion thuajse i pamundur në krahë.

Në minutën e 35 do të vinte edhe goli i dytë në këtë takim për Levante dhe i pari i Bardhit, që tregon nuhatjen e madhe me portën kundërshtare. Por nga ana tjetër në Kosovë është alarmi i ngritur pasi diskutohet bileta e Europianit.

Dardanët do të luajnë kundër Maqedonisë së Veriut dhe me një lojtar kundërshtar në këtë formë, do e kenë shumë të vështirë misionin për ta përmbushur. Një “luftë” kjo mes shqiptarëve ku nuk do të flitet për asnjë tolerim nga ana e lojtarëve me origjinë shqiptare që përfaqësojnë Maqedoninë e Veriut, pasi nga të dy krahët kërkohet me ego të madhe mbërritja në Europian. /Sport Ekspres/

 

Leave a Reply

Your email address will not be published. Required fields are marked *