Milani nuk po arrin të gjejë vazhdimësinë në kampionat dhe ndodhet në një situatë shumë kritike. Për të gjithë ata që menduan se ndërrimi i trajnerit do të gjente edhe zgjidhjen, kanë gabuar dhe si një dëshmi shërbeu mbrëmja e sotme ndaj Leçes.
Fillimisht do të ishin vendasit që do të kalonin në avantazh falë një goli shumë të bukur nga Calhanoglu. Por VAR-i po ia shton edhe më shumë vuajtjet Milanit në këtë moment të keq.
Pasi arbitri ka riparë pamjet e kapjes së topit me dorë nga Conte, ka dhënë penalltinë e kthyer në gol nga Babakar, që fillimisht gaboi, por pas pritjes së Donarumës e ka shtyrë në rrjetë. Aty vjen sërish Calhanoglu, lojtari më i kritikuar.
Ndeshje aspak të mira ka zhvilluar në këtë fillim të kampionatit, ndërsa ai festim dhe përshendetja ushtarake që bëri kundër Shqipërisë, i rriti edhe më shumë kritikat në Itali. Por në golin e dytë ka dhuruar një tjetër spektakël, duke e marrë bukur topin me finte dhe duke shërbyer me Piatek, që dërgoi topin në rrjetë dhe nisi festën e zakonshme.
E kur u mendua se gjithçka do të mbyllej me këtë rezultat, ka ardhur edhe goli i barazimit nga Leçe në minutën e 92 e majta e frikshme nga Calderoni që përfundoi në rrjetë. /Sport Ekspres/