VIDEO | Copa America nis me samba, Kutinjo udhëheq Brazilin

0

Brazili e ka nisur në mënyrën më të mirë të mundshme edicionin e 46-të të Copa America, teksa ka mposhtur me shifrat 3-0 Bolivinë. Frymëzuesi kryesor i këtij triumfi ishte padyshim Filipe Kutinjo, i tjetërsuar në Kombëtare.

Pavarësisht se ylli kryesor Nejmar e humbi kompeticionin për shkak dëmtimi, Kutinjo mori në dorë ekipin, duke shënuar një dopietë. Fillimisht, braziliani shënoi nga pika e bardhë në minutën e 50-të.

Goli i shënuar i dha edhe më shumë shtysë Brazilit dhe vetëm tre minuta më vonë dyfishoi shifrat me të njëjtin autor. Kutinjo u gjend i vetëm në shtyllën e dytë dhe u tregua i saktë me kokë, duke çuar në festë të tijtë për herë të dytë.

Në fund pati kohë edhe për një perlë të Everton, anësori i Gremios, i cili kërkohet nga shumë ekipe elitare në Europë. 23-vjeçari lëshoi një predhë të vërtetë në minutën e 85-të, me portierin që mbeti i palëvizur.


Copa America 2019

Brazil – Bolivi 3-0

Shënues: Kutinjo 50′, 53′, Everton 85′

 

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.