Vidal e Kimish rrëfejnë sherrin në fushë

0

Shokë skuadre te Bajerni, thuajse boksierë për disa momente në finalen e Kupës së Konfederatave dje në Shën Petërsburg. Arturo Vidal e Xhoshua Kimish habitën të gjithë dje, kur u përleshën në sfidën Gjermani-Kili, me një grindje të ashpër në minutën e 59-të ku ia hodhën me nga një karton të verdhë secili.

Por çfarë u tha realisht në ato momente? Vidal, duke folur për Bild, zbulon: “Ishte një ndeshje e fortë, pati momente gjaknxehtësie. Kishim diçka për të sqaruar. Nuk u takuam pas ndeshjes, por do të takohemi pas 20 ditësh në Mynih.

“Çfarë i thashë? I thashë vetëm që të fliste më pak e të luante më shumë. Megjithatë, nuk ka problem, mbetemi miq”.

Nga ana tjetër, Kimish e kalon me qetësi këtë histori: “Jo, nuk do të jetë një problem kur të takohemi në stërvitjen e parë të Bajernit. Nuk i thashë asgjë Vidalit, nuk e di çfarë ka thënë ai, por nuk më intereson. Janë gjëra që ndodhin dhe mbeten në fushë”.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image