Vendimi i KAS, çfarë optimizmi nga Orges Shehi!

0

10 vite pezullim nga kompeticionet evropiane dhe 1 milionë euro gjobë. Ky është dënimi i dhënë nga UEFA për Skënderbeun, ndërkohë që korçarët vijojnë betejën ligjore me qeverinë evropiane të futbollit. Nesër palët do të përballen në KAS, por vendimi me shumë mundësi do të merret muajin e ardhshëm.

Në Korçë presin që t’ia hedhin dhe të marrin pafajësinë. Kjo do t’i rikthente ata në kupat e Europës, sigurisht nëse do arrijnë të fitojnë Kupën e Shqipërisë, apo të fitojnë Kupën e Shqipërisë. Edhe vendi i katërt bën punë, nëse triumfon Kukësi në Kupë dhe e mbyll kampionatin mbi korçarët.

Optimizmi i fitimit të çështjes në KAS shprehet edhe nga trajneri Orges Shehi,  i cili ka folur për mediat pas fitores me Kastriotin. “Pse u ngjallëm me Teutën dhe Kukësin, e kam thënë se është seanca dëgjimore në KAS arsyeja. Drejtuesit do të shkojnë atje dhe shpresoj që shumë shpejt të vijnë me lajmin e madh që i shërben jo vetëm Skënderbeu, por edhe futbollit shqiptar. Me marrjen e vendimit rikthehet gjithçka, rikthehet edhe Skënderbeu”.

 

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.