Liverpul është një nga klubet më të suksesshme në historinë e futbollit anglez, por po e vuajnë shumë faktin se nuk po arrijnë do të marrin trofe. Që pas ardhjes së trajnerit Jurgen Klop, “The reds” kanë arritur në tre finale, por kanë dështuar në të tre ndeshjet, duke përfshirë dhe finalen e shkuar të Championsit ndaj Realit. Shpenzimet në merkato kanë qenë kolosale, ndaj dhe pritshmëritë janë shumë të mëdha.
Presioni në klub është rritur, por Virxhil Van Dijk për “Sky Sports” beson se skuadra mund të arrijë sukses këtë edicion.
“Shpresojmë se do të bëjmë diçka të veçantë këtë vit. Nuk më pëlqen të shoh shumë larg, pasi ne duhet të flasim në fushë dhe të sigurohemi që të luajmë mirë”.
“Me lojtarët që kanë ardhur dhe me ata që kemi pasur sezonin e kaluar ne mund të garojmë në çdo kompeticion, për çdo trofe”