Valon Berisha dhe Florent Hasani më të mirët e Kosovës, nderohet edhe Armand Duka

0

Kosova ka përcaktuar lojtarët më të mirë për vitin 2017 në futboll në arenën kombëtare dhe ndërkombëtare. Në ceremoninë “Gala” të ndarjes së çmimeve ishte prezent sot edhe Presidenti i FSHF-së, Armand Duka, njfton FSHF.

Për të dytin vit radhazi futbollisti më i mirë i Kosovës u shpall Valon Berisha, mesfushori i Salzburgut, i cili mposhti konkurencën e Amir Rrahmanit dhe Hekuran Kryeziut. Këtë çmim 24 vjeçari e mori falë paraqitjeve të mira me Salzburgun dhe Kosovën.

Ndërkaq, futbollisti më i mirë i Superligës së Kosovës u shpall Florent Hasani, çmim që iu akordua nga Duka. Në ceremoninë e kësaj të premteje Federata e Futbollit në Kosovë nderoi me Çmimin e Mirënjohjes, Presidentin e FSHF-së, Armand Duka për bashkëpunimin e shkëlqyer mes dy federatave të të dy vendeve. Presidenti Vokrri i dha homologut të tij shqiptar këtë çmim duke cituar vlerësimin e madh të bashkëpunimit dhe angazhimin e Presidentit Duka në progresin e futbollit kosovar. Kreu i FSHF-së theksoi se bashkëpunimi i mëtejshëm mes të dy federatave do të rrisë ndjeshëm tempin dhe etapat e tij në vijimësi.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.