Uilliam: Debutimi në Champions special, shfrytëzojmë faktorin fushë

Uilliam Kordeiro Melo la skuadrën e Kukësit për t’iu bashkuar projektit të Partizanit. Futbollisti i “demave” pritet të debutojë me kryeqytetasit në takimin e sotëm ndaj azerëve të Karabak, ndeshje kjo e vlefshme për raundin e parë eliminator të Champions League.

Braziliani ka dhënë një prononcim për portalin “gazetaonline.com.br”, ku ka folur mbi takimin e sotëm. Sipas 25-vjeçarit faktori fushë do të jetë i rëndësishëm për të kuqtë. “Të debutosh në ndeshjet e Champions League është një rast shumë special. Jam shumë i motivuar, ashtu si pjesa tjetër e skuadrës së Partizanit.

Kemi bërë një fazë përgatitore shumë të mirë për këtë ndeshje. E dimë që Karabak është një kundërshtar shumë i fortë. Kemi si qëllim që të shfrytëzojmë faktorin fushë. Duhet të marrim një rezultat pozitiv, në mënyrë që të shkojmë në Azerbajxhan me një situatë sa më komode”, ka deklaruar braziliani.

Leave a Reply

Your email address will not be published. Required fields are marked *