Barcelona është duke marrë vendimin dhe duke gjetur gjuhën e përbashkët sa i përket uljes së rrogës. Futbollistët e kanë refuzuar fillimisht kërkesën e klubit, për të ulur 70% të pagesës së tyre në këtë kohë krize dhe kur ata nuk po luajnë.
Gjithsesi presidenti i katalanasve kërkon që ta zgjidh problemin me një premtim, që gjithçka do t’u rikthehet për pjesën tjetër të lekëve që do të merrnin në kohë normale, kur të nis futbolli i luajtur dhe klubi të nis që të marrë të ardhura.
Fillimisht u mendua se Barcelona B dhe Rei Manaj do të ishin imun në këtë masë dhe nuk do të prekej rroga e tyre. Por në orët e fundit është vendosur se kësaj mase nuk do t’i shpëtojë as ekipi i dytë i katalanasve, me sulmuesin shqiptar që do ta ndiejë më së shumti uljen e pagesës, pasi dihet që rrogat e tyre janë shumë më të ulëta. /Sport Ekspres/