Kupa e Shqipërisë për paratërinj dhe të rinj në Shqipëri ka mbërritur tashmë në finish dhe të mërkurën e të enjten do të zhvillohen ndeshjet finale për te njohur skuadrat fituese të këtij edicioni.
Në finalen e moshës U-17 përballë do të jene Internacional-Besa dhe në finalen e U-19, Vllaznia me Shkëndijën e Tiranës. Federata Shqiptare e Futbollit ka vendosur t’i zhvilloje finalet në stadiumin e Kamzës dhe të Elbasanit. Për te dyja ndeshjet finale, hyrja për sportdashësit do të jetë falas.
Pritet që këto dy takime finale të ndiqen nga një numër i konsiderueshëm sportdashësish kryesisht të këtyre moshave, teksa të dyja finalet, si ajo në Kamëz dhe në Elbasan do të transmetohen live, në RTSH dhe Digitalb.
Te U-19, Vllaznia eliminoi Dinamon në gjysmëfinale, ndërsa Shkëndija e Tiranës mposhti Teutën.
Ndërkaq, te U-17 Besa fitoi ndaj Kukësit dhe Internacionali mundi Flamurtarin.
