U zgjodh lojtari i ndeshjes, por sa frikë nga eliminimi… Luka Modriç, kapiteni i Kroacisë dhe futbollisti që sonte ndoshta ishte pak në hije, ka folur pas ndeshjes së fituar me penallti ndaj Rusisë, për FIFA-n:
“Ishte një tjetër dramë për ne (pas ndeshjes me Danimarkën). Nuk luajtëm mirë në pjesën e parë, nuk e kontrolluam lojën dhe ta çonim aty ku donim. Në pjesën e dytë, u paraqitëm më mirë, por për fat të keq nuk e mbyllëm dot. Treguam karakter sërish”.