Tifozët shkodranë premtojnë mbështetje masive ndaj Tiranës

0

 

 

Tifozët shkodranë premtojnë se të jenë të shumtë në mbështetje të Vllaznisë në ndeshjen e së dielës ndaj Tiranës, që do të luhet në stadiumin “Ismail Xhemali” të Pukës, në orën 13:00. Organizimi i tifozëve kanë nisur preh disa ditësh dhe pritet që në stadium të prezantohen edhe me një koreografi dinjitoze. Drejtuesit e klubit kanë marrë një kërkesë prej tifozëve për sigurimin e 5 autobusëve për udhëtimin drejt Pukës.

Kërkesë që ka habitur krerët e Vllaznisë, ngaqë u është dukur e ekzagjeruar, megjithatë tifozët kanë garantuar se numri i tyre do të jetë i madh këtë herë dhe për këtë arsye kërkesa u është plotësuar. Falë donatorëve të ndryshëm apo me paratë e klubit, është bërë e mundur sigurimi i autobusëve. Madje nuk përjashtohet mundësia që, nëse ka kërkesa edhe për më shumë, të sigurohen edhe ato, vetëm e vetëm që në stadiumin e Pukës të ketë sa më shumë tifozë për këtë takim.

Vllaznia vjen në këtë duel në formë, ndërsa duhet të shfrytëzojë edhe problemet që ka kundërshtari kohët e fundit. Në rrjetet sociale, nga grupimi “Vllaznit Ultras”, po bëhet thirrje për një pjesëmarrje sa më të madhe të atyre që e duan me shpirt Vllazninë. Nisja drejt Pukës bëhet të dielën në orën 10:00 në qendër të qytetit të Shkodrës. Pritet që numri i tifozëve shkodranë në “Ismail Xhemali” të jetë mbi 500 këtë herë dhe kjo natyrisht që është diçka pozitive.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.