Presidenti i klubit të Getafes do të shprehej për “Radio Marca” se Napoli ishte tejet i interesuar për futbollistin e tij, Marc Cucurella. Ky i fundit është i huazuar te klubi spanjoll, i cili me sa duket është i bindur dhe ka ndërmend ta blejë përfundimisht kartonin e lojtarit. “De Laurentis më merr në telefon çdo 3 ditë, por qëllimi ynë është të mos humbasim asnjë lojtar”. Por një deklaratë e tillë ka marrë edhe reagimin e Napolit, që nëpërmjet faqes zyrtare në “Twitter” përgënjeshtron të gjitha këto fjalë. Madje shkruajnë se De Laurentis as që e njeh kush është presidentin e Getafes.
“Në temën e lajmeve të rreme (ne kurrë nuk do të lodhemi të luftojmë manipulimin e informacionit), lexuam se Napoli do të interesohej fort për Cucurella dhe që madje Presidenti De Laurentiis do ta telefononte presidentin e Getafes “çdo tre ditë”. Është një shaka, një Fake News. De Laurentiis as nuk e di se kush është Presidenti i Getafe dhe asnjëherë nuk ka folur me bashkëpunëtorët e tij për këtë Cucurellan”, bën me dije klubi napoletan./Halit Delibashi-Sport Ekspres/
In tema di Fake News (non ci stancheremo mai di dare battaglia alla manipolazione dell’informazione), leggiamo che il Napoli sarebbe fortemente interessato a Cucurella e che, addirittura, il presidente De Laurentiis chiamerebbe il presidente del Getafe “ogni tre giorni”(Continua)
— Official SSC Napoli (@sscnapoli) May 8, 2020
È una bufala, una Fake News. De Laurentiis non sa nemmeno chi sia il Presidente del Getafe e non ha mai parlato con i suoi collaboratori di questo Cucurella. #ForzaNapoliSempre
— Official SSC Napoli (@sscnapoli) May 8, 2020