Tërmet në Anfield, Liverpuli zbavitet me Spartakun e Moskës

0

Duhej të ishte një finale, një sfidë delikate dhe me tension, por rezultoi një shëtitje. Liverpuli shpartalloi 7-0 Spartakun e Moskës, duke e lënë në Europa League, ndërsa në Anfield tifozët u zbavitën deri në fund.

Një spektakël i “katër tenorëve” Kutinjo-Firmino-Mane-Salah, sepse pikërisht yjet e sulmit bënë lëmsh Spartakun dhe shënuan gjithë golat e ndeshjes.
Që në minutën e katërt Salah u ndal me faull në zonë dhe Kutinjo nuk gaboi nga pika e bardhë, ndërsa në minutën e 18-të kishte marrë fund gjithçka, sepse Kutinjo e Firmino shënuan edhe dy herë në harkun e tre minutave. Për të evituar surpriza si në Sevilje, Liverpuli nuk e uli ritmin dhe në pjesën e dytë Mane, Kutinjo, sërish Mane dhe në fund Salah mbyllën llogaritë.

Falënderon Sevilja, që u ndal te barazimi 1-1 në Maribor, por kalon si e dyta në grup falë triumfit të Liverpulit.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image