Strakosha kthehet në Itali, e pret sërish formacioni titullar

0

Pas ndeshjeve me kombëtaren, ku luajti titullar, si ndaj Italisë, ashtu edhe ndaj Bosnje-Hercegovinës, Thomas Strakosha është kthyer në Itali, duke rinisur stërvitjen me Lacion.

Portieri i ri tashmë është kthyer një garanci edhe te Lacio, aq sa nuk përbën më lajm fakti se do të jetë titullar nesër, në transfertën e Sasuolos.

Portieri veteran Federiko Marketi do të mungojë sërish për një dëmtim jo fort të qartë, ndaj porta i përket Strakoshës dhe trajneri Simone Inzagi tani nuk shqetësohet shumë, sepse talenti shqiptar ka treguar se di ta bëjë mirë punën që i takon, pavarësisht nga mosha e re.

Për Lacion dhe Strakoshën ndeshja në Sasuolo ka shumë rëndësi, për faktin se një fitore do të mbante gjallë shpresat për vendin e tretë, por gjithashtu do të mbante lart moralin, në prag të derbit të kupës, të martën kundër Romës.

 

SHPËRNDAJE

PËRGJIGJU

Please enter your comment!
Please enter your name here