Etrit Berisha, në Nikosia të Qipros, barazohet në fund, jo për faj të tij, duke shtyrë festën për një biletë që mund të pritet në ndeshjet e fundit. 1-1 ndaj Apollon Limasolit
Objektiv i arritur! Ose ndryshe, e thënë sipas filmit “Mision i kryer!”. Lacio e Inzagit arrin që të kualifikohet, edhe pse me dy ndeshje përpara, në fazën tjetër të Europa League, pasi dje në sekondat e fundit arriti të fitonte ndaj Nicës së Balotelit dhe Snajderit, që u rikthyen në Itali si kundërshtarë. Ishte një autogol i realizuar nga Le Markand (pas goditjes me kokë të Parolos) ai që vendosi fatin e një ndeshje që nuk ishte edhe aq shumë e bukur por më së shumti e ekuilibruar. Për Inzagin dhe bardhekaltërit është fitorja e nëntë radhazi mes kampionatit dhe kupës. Sa i përket Thomas Strakoshës, nota ka qenë pozitive (6), duke qenë se në të vetmin moment që ka rezultuar nevoja e tij ishte kur e djathta e Snajderit e vendos në provë: topi i grushtuar dhe goli i shpëtuar.
Në Nikosia, për ndeshjen e katërt të grupit, Atalanta e Gasperinit barazon 1-1 ndaj Apollonit dhe duhet të shtyjë festën dhe diskutimin kualifikim. Bergamaskët kalojnë në avantazh në minutën e 35-të të pjesës së parë, falë penalltisë së fituar dhe shndërruar nga Iliçiç, Por, në të 93-tën, Zelaja befason “Dea”-n (pasi Petanja u bllokua nga shtylla). Berisha, vetëm pak më parë, kishte bërë një super pritje përballë Jakolisit.