Atdhe Nuhiu është në një moment të jashtëzakonshëm, sepse prej disa muajsh është kthyer në pikë referimi te Shefild Uensdi, duke lënë pas një pjesë të parë sezoni zhgënjyese, që e shtyu të mendonte edhe largimit.
Sulmuesi i Kosovës ka realizuar dy gola sot, në fitoren 4-1 ndaj Prestonit. Njëri nga golat ishte fantastik, ndër më të bukurit e sezonit në Championship, aty ku Nuhiu ka shënuar 6 gola, por 4 prej tyre në dy ndeshjet e fundit të kampionatit.
Amazing goal by #Nuhiu! #Swfc #Dare2Nuhiu pic.twitter.com/35VCTWCejt
— Nick F (@nickfenton83) March 30, 2018
Ndërkaq, te Lidsi sot shënoi më në fund Kejleb Ekuban. Sulmuesi, i cili mahniti me fanellën e Partizanit në Shqipëri, këtë sezon kishte shënuar vetëm në kupë, ndërsa dëmtimet e shumta ia ndalën hovin. Sot Ekuban e nisi si titullar në sfidën shtëpiake ndaj Boltonit dhe më në fund gjeti golin, që u shënua që në minutën e katërt, goli më i shpejtë i sezonit për Lidsin, 9 pikë larg zonës play-off.
