Spanjë apo Itali, dilema e madhe e Mërgim Mavrajt

0

Mërgim Mavraj është lojtar i lirë dhe dy janë ofertat konkrete deri më tani. “Bild” e ka bërë me dije me kohë se Deportivo La Korunja e kërkon qendërmbrojtësin, i cili do të ishte lideri i spanjollëve për prapavijën. Financiarisht oferta është e mirë, por lojtari i Shqipërisë nuk ka vendosur.

“Sport Ekspres” prej ditësh ka bërë me dije se edhe Breshia i ka bërë një ofertë. Madje mësohet se Mavraj është i kënaqur prej saj, por mbetet në dilemë se ku do të luajë sezonin e ardhshëm. I duhet të zgjedhë mes Spanjës dhe Italisë.

Mavraj vjen nga një periudhë jo e mirë te Hamburgu. Klubi gjerman e pat penalizuar mbrojtësin, i cili për disa muaj u stërvit me ekipin e dytë. Kontrata përfundonte verën e ardhshme, por palët u ulën dhe diskutuan për të zgjidhur kontratën. Sigurisht që ka pasur edhe dëmshpërblim për lojtarin, që përfitonte rreth 2 milionë euro në sezon te klubi i rënë nga Bundesliga.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.

http://sportekspres.com/wp-content/uploads/2019/02/fotoblinibilta.jpeg