Spanja në duart e një të panjohuri, njihuni me trajnerin e ri

0

Largimi i Luis Enrikes nga kombëtarja spanjolle për shkak të disa probleme familjare vuri para një situate tejet të vështirë presidentin e federatës spanjolle, Luis Rubiales, dhe drejtorin sportiv Hoze Molina.

Në fund, dy krerët e futbollit spanjoll vendosën t’i besonin stolin e kombëtares asistentit të Luis Enrikes, Robert Moreno, i cili drejtoi Spanjën në tri ndeshjet e fundit ku iberikët mundën Maltën, Ishujt Faroe dhe Suedinë. Drejtori sportiv Hoze Molina u shpreh kështu për vendimin e marrë: Një vit më parë kur firmosëm me Luis Enriken ramë dakord për të filluar një projekt të ri, nëse do të zgjidhnim një trajner tjetër do na duhej të ndryshonim krejtësisht projektin. Moreno do të vazhdojë punën që nisi Enrike”.

Trajneri 41-vjeçar nuk ka një të shkuar si futbollist, por karrierën si trajner e ka filluar në moshë të re. Moreno ishte 25-vjeç kur drejtoi ekipin e tij të parë në ligat amatore në Katalonj. Pas disa vitesh eksperiencë në futbollin gjysmëprofesionsit, Moreno bëri hapin e madh në karrierë duke u bërë asistent i Luis Enrikes në vitin 2010, kur ky i fundit drejtonte Barcelonën B. Bashkëpunimi midis tij dhe Enrikes qëndroi i pandërprerë.

“Falenderoj presidentin Rubiales dhe drejtorin Molina për besimin e dhënë. Nuk është një ditë e madhe, ka gëzim por trishtimi mbetet më i madh. E ëndërroja të isha trajneri i kombëtares, por jo në këtë lloj mënyre. Kam punuar nëntë vite me Luis Enriken dhe kam mësuar gjithçka nga ai”, përfundoi Moreno.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.