Sopoti ndryshim rrënjësor, kthehen edhe dy emra të njohur

0

Ka disa ditë që ekipi i Sopotit të Librazhdit ka nisur përgatitjet për sezonin e ri futbollistik 2018-2019. Skuadra edhe në sezonin e ri do të drejtohet nga trajneri Klajdi Kënga.

Librazhdasit sezonin e kaluar zunë vendin e katërt në grupin e veriut dhe këtë sezon do të synojnë ngjitjen në kategorinë e parë. Tek Sopoti është rikthyer futbollisti me përvojë Mirel Çota që luajti sezonin e kaluar me Turbinën.

Gjithashtu, edhe mesfushori cilësor Miliard Polisi, që ishte pjesë e Erzenit kampionatit te kaluar, kthehet te Sopoti.

Të dy lojtarët kanë vendosur të rikthehen në shtëpi për të kontribuar për skuadrën ku kanë dalë si futbollistë. Rikthimi i tyre tek Sopoti eshte pritur mjaft nga tifozët librazhdiotë.

Pritet që ekipi të afrojë dhe të tjerë lojtarë me përvojë, pasi drejtuesit duan patjetër ngjitjen në Kategorinë e Parë.

Me stadiumin e rikonstruktuar Sopoti do synojë të jetë pretendent për t’u ngjitur atje ku e meriton. Kryetari i Bashkisë Librazhd, Kastriot Gurakuqi, i cili është president i ekipit, ka deklaruar do ta mbështesë fuqimisht ekipin e zemrës.

Mariglen Miraka

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.