Smajlaj nuk ndalet, tjetër medalje ari

Shkodrani ka zënë vendin e parë në kërcimin së gjati. Një tjetër medalje për Shqipërinë edhe nga Edmond Murataj, i bronztë në 400 metra

0

Gjergj Vyshka
Izmir Smajlaj është kampioni i vendeve të vogla në Kampionatin Evropian, që dje është zhvilluar në Shan të Lihteshtejnit. Përballë vendeve si Kosova, Maqedonia, Mali i Zi, Andorra, Armenia, Azerbajxhani, Bosnje-Hercegovina, Qipro, Gjeorgjia, Gjibraltari, Islanda, Lihteshtejni, Luksemburgu, Moldavia, Maqedonia, Malta, Monako dhe San Marino, Smajlaj dhe Murataj, ky i fundit në 400 metra, kanë qenë krenaria e atletikës shqiptare.

Izmir Smajlaj e ka fiksuar vendin e parë në garën e Lihteshtejnit që në kërcimin e parë, teksa ka fluturuar 7.90 metra. Më pas dy faull, ndërsa në tre kërcimet e tjera ishte 7.72 metra, 7.70 metra dhe 7.88 metra. Pretendimet janë për 8.30 metra, ndërsa duhen pritur Lojërat Mesdhetare në Tarragona, apo dhe Kampionati Evropian i Berlinit më 7-12 gusht.

Deri më tani është Kampion Ballkani në salla të mbyllura me 7.80 metra, e po kështu në mitingu ndërkombëtar të Elbasanit 7.88 metra, apo në kampionatin kombëtar në fundin e majit, po në Elbasan, 7.87 metra. Pra kjo e djeshmja do të thotë rritje rezultati për të pretenduar dhe më shumë.

Ndërkohë krenari për Shqipërinë është dhe Edmond Murataj, që ka merituar medaljen e bronztë në 400 metra. Mirë duhet konsideruar dhe Marko Makaj në 800 metra dhe Ravio Rama në 110 metra me pengesa. E në 800 metra Nikolla është i shtati, kurse në kërcim së gjati, Hallunaj është i nënti me 6.90 metra, teksa e ka fiksuar këtë rezultat në kërcimin e tretë, ndërsa në dy të parët kishte bërë faull. Përgjithësisht një garë e mirë e atletëve shqiptarë, ndërsa Smajlaj është shpallur dhe sportisti më i mirë i aktivitetit.

Falënderimet e Izmir Smajlajt
Menjëherë pas përfundimit të garës, teksa është kampioni i shteteve të vogla në Evropë, Izmir Smajlaj nuk ka munguar të bëjë falënderime. “Kampion i Kampionatit të shteteve të vogla Evropiane. Një falënderim i veçantë për familjen time, trajnerin tim Gjergji Rulin dhe sponsorin tim gjeneral “AMA Caffe”. Kjo për gjithçka që kam arrirë dhe do të arrijë në vazhdimësi”, ka nënvizuar Smajlaj.

Gold medal in the “Championships of Small States of Europe”! ???? I want to thank my family, coach Mr. Gjergj Ruli & my sponsor Ama Caffe @amacaffeofficial for everything ! Kampion i “ Kampionatit te shteteve te vogla Europiane” ! Nje falenderim i vecante per familjen time, trajnerin tim z. Gjergj Ruli dhe sponsorin tim gjeneral “ Ama Caffe “ per gjithcka kam arrire e do arrij ne vazhdimesi! ???

Gepostet von Izmir Smajlaj am Samstag, 9. Juni 2018

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.