Skiatorja më e suksesshme në histori i jep fund karrierës

0

Skiatorja më e suksesshme në histori, Lindsi Von, ka bërë të ditur se do të tërhiqet në fund të sezonit 2018/19 për Kupën e Botës në ski.

33-vjeçarja, 3 herë fituese medaljesh në Lojrat Olimpike, ka vendosur të mbyllë karrierën, edhe nëse nuk ia del mbanë të thyejë rekordin e 86 fitoreve në Kupën e Botës, që mbahet nga Ingemar Stenmark.

Vonn mban rekordin e femrave, me 82 fitore, dhe kishte deklaruar më parë se nuk do tërhiqej derisa të thyente rekordin historik të suedezit.

Gjatë një eventi në New York, Vonn deklaroi për NBC: “Nëse e arrij rekordin, do ishte realizimi i një ëndrre. Nëse nuk ia dal mbanë, mendoj se kam pasur një karrierë jashtëzakonisht të suksesshme, sido që të shkojë. Jam ende skiatorja më e suksesshme në histori”.

Amerikania kishte thënë se Lojrat Olimpike Dimërore 2018 në PyeongChang do të ishin të fundit për të, duke u bërë skiatorja më e moshuar që fiton një medalje olimpike në secilën nga 5 disiplinat alpine të skive, sepse fitoi medaljen e bronzit.

Që pas triumfit në Vankuver në vitin 2010, 4-herë kampionia e botës ka pësuar shumë dëmtime – fraktura, këputje ligamenti të gjurit, shembje – dhe është operuar 5 herë.

“Fizikisht, kam arritur në pikën ku nuk ka më kuptim të vazhdoj. Do doja të isha aktive, ndaj po shoh të ardhmen, për të vendosur çfarë do të bëj”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.