Skënderbeu gjen një Dinamo të rrëzuar nga froni

0

Dinamo e Zagrebit do të jetë kundërshtari i Skënderbeut në turin “play-off” të Euopa League. Ashtu si dy vite më parë, korçarët do të vihen përballë kroatëve, me ndryshimin e vetëm që asokohe përballeshin në Champions, ndërsa tani në Europa Legue. Edhe pse diktatorë në vitet e fundit në kampionatin e tyre, Rijeka në sezonin e shkuar arriti t’i rrëzonte kryeqytetasit nga froni, pas plot 11 sezonesh rradhazi si kampionë. Në dy dekadat e fundit Dinamo e ka fituar plot 17 herë titullin kampion. Tashmë ka nisur sezoni i ri dhe Dinamo ndodhet në vendin e dytë pas 3 javësh, me dy pikë më pak se Rijeka. Vlera e skuadrës sipas transfermarket është plot 58.7 milion euro, shumë herë më e madhe se e korçarëve.
Në Ballkan Dinamo mund të konsiderohet si klubi me akademinë më të suksesshme, pasi çdo vit kryen transferime marramendëse, duke arkëtuar miliona euro. Me skemën e afrimit të elementëve cilësorë dhe huazimit të tyre, deri më tani ka arritur një sukses të jashtëzakonshëm, që e ka ndihmuar dhe në ecurinë europiane. Pikërisht në merkaton e verës, Napoli derdhi plot 13 milionë euro për mesfushorin Marko Rog. Po ashtu, këtë verë Dinamo ka larguar Mashado dhe Gonçalo, po ashtu dhe mesfushorët Musa, Situ dhe Soldo, të cilët i ka huazuar në skuadra të tjera, me synimin për t’i shitur më vonë. Pjesë e Dinamos është dhe talenti i Shqipërisë U-21, Endri Çekiçi, i cili tashmë do të bashkohet me skuadrën nga Zagrebi, por qëndrimi duket i vështirë pasi hapësirat janë të pakta dhe gjasat janë që të provojë veten në një tjetër skuadër. Megjithatë, Dinamo beson tek i riu nga Pogradeci dhe nuk pranon që ta shesë kartonin e tij.
Në afrimet që bën Dinamo tregohet gjithnjë e kujdesshme dhe nuk shpenzon shuma marramendëse. Deri më tani ka harxhuar vetëm 1.3 milion euro, për të transferuar Tongo Dumbia nga francezët e Toluzë për shifrën e 800 mijë eurove dhe mbrojtësin e Jang Bojs, Jan Lesjaks. Po ashtu, ka kthyer në skuadër nga huazimet dhe Zhunjor Fernandes dhe Amir Rrahmanin.

SHPËRNDAJE

PËRGJIGJU

Please enter your comment!
Please enter your name here