Shqiptarët në Serinë A, Hysaj e Strakosha mbajnë “nderin” lart

0

Seria A luan javën e katërt dhe gjithçka nis prej së shtunës. Sikurse dihet janë disa shqiptarët që aktivizohen në elitën e futbollit italian, por jo të gjithë aktivizohen rregullisht. Nesër në fushë do të zbresë Elseid Hysaj.

Mbrojtësi i djathtë do të jetë titullar kundër Fiorentinës, në një ndeshje që zhvillohet prej orës 18:00. Një ditë më pas, në të njëjtin orar, luhet Empoli-Lacio. Nuk do të ketë një derbi shqiptarësh nga fillimi.

Thomas Strakosha mbetet numri një te Lacio, ndërkohë Veseli duhet të presë për të luajtur titullar me skuadrën e tij. Edhe pse i preferuar nga Panuçi në kombëtare, në Itali situata për mbrojtësin nuk është e mirë.

Të hënë është radha e Atalantës, që luan në transfertë kundër Spal. Në mbrëmje, pres orës 20:30, nis kjo përballje, të cilën Berat Gjimshiti dhe Etrit Berisha janë të detyruar ta ndjekin nga pankina në fillim, pasi Gasperini ka planifikuar të tjerë futbollistë në vend të tyre.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.