Shqipëria tashmë pjesë e të shkuarës, Panucci drejt një aventure me klubin që ka prerë biletën për në Europë

Christian Panucci është një emër shumë i dëgjuar për futbollin shqiptar pasi ai e drejtoi Kombëtaren tonë në periudhën 2017-2019. Megjithatë nuk mundi të jetë i suksesshëm duke bërë që Shqipëria të ulë ndjeshëm rendimentin e lojës në fushë, ndërsa humbjet e vazhdueshme dhe madje edhe me rezultate të thella si ajo 0-4 ndaj Skocisë bën që largimi të ishte i pashmangshëm.

Harmonia në grup mungonte dhe tekniku italian nuk arriti të gjente dot çelësin e komunikimin me lojtarët. Por mesa duket, eksperienca me Shqipërinë është hedhur pas krahëve, teksa Panucci ka vendosur t’i japë fund pushimeve dhe është drejt një aventure të re. E ardhmja e tij pritet të jetë në Belgjikë ku raportohet se është në bisedime me ekipin elitar Standard Liege. Gazetari Nicolò Schira shkruan në “Twitter” se ish-trajneri i kuqezinjve mund të ulet në stolin e Standard Liege.

Ndërkohë kujtojmë se kampionati në Belgjikë u pezullua përfundimisht, ndërsa ekipi që mund të drejtohet nga tekniku Italian e mbylli në vendin e 5-të, i cili i mundëson një biletë për në kualifikueset e Europa League./Halit Delibashi-Sport Ekspres/

Leave a Reply

Your email address will not be published. Required fields are marked *