Everton vazhdon të jetë një nga objektivat kryesorë të Milanit për në verë. Sulmuesi i Gremios vlerësohet rreth 40 milionë euro, por klauzola e largimit të tij është dyfish, pra 80 milionë euro.
Garës për 23-vjeçarin i është bashkuar edhe Mançester Siti. Siç raporton “Globo Esporte”, kampionët në fuqi të Anglisë e pëlqejnë shumë sulmuesin brazilian dhe janë gati të shpenzojnë për ta transferuar në ishull.
Nga ana tjetër, Milani ka një avantazh. Agjent i Evertonit, i cili tundohet nga ideja për të luajtur me ekipin e “Djallit”, është Gilmar Veloz. Ky i fundit ka raporte shumë të mira me kuqezinjtë, sidomos me Leonardon. Ai ishte agjenti i Patos në vitin 2007 dhe atëherë ndikoi shumë në transferimin e sulmuesit nga Internacionali te Milani.