Shkodra, vetëm perla ndaj Luftëtarit: Ia kushtoj vajzës

0

Shpëtim Duro e ka thënë shpesh: dëmtimi i Donjet Shkodrës në fund të vitit të shkuar ishte një goditje shumë e rëndë për Flamurtarin dhe kthimi i tij në formë të plotë fizike do të ishte arma plus për fundin e sezonit. Dje Shkodra ishte fantastik, goditi traversën në pjesën e parë, drejtoi lojën e skuadrës kuqezi dhe me një gol nga ata që duhen ritransmetuar nja 15 herë, barazoi një ndeshje që dukej e humbur. Po të ishte ndeshje boksi, Luftëtari do të kryesonte frikshëm me pikë, por Shkodra është si ai boksieri që qëndron në pritje dhe godet kur askush nuk e ka mendjen.

Ishte goli i tetë sezonal për yllin e Flamurtarit, që 3 gola ia ka shënuar pikërisht Luftëtarit dhe të tre janë ndër golat më të bukur të sezonit në Superiore.

Pas ndeshjes Shkodra deklaroi: “Fitore që na duhej patjetër. Tentova të shënoja edhe në pjesën e parë në 2-3 raste, por më mungoi përqendrimi. Luajtëm keq në të parën dhe shumë mirë në pjesën e dytë. Shënova nga distanca, sepse pamjen e kisha më të qartë. E pranoj se më ndihmoi pak edhe fati. Golin ia dedikoj familjes time në Belgjikë dhe veçanërisht vajzës time, Djellës”.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image