Shënon gjithnjë, Cikalleshi është shqiptari më në formë

0

Sokol Cikalleshi, sinonim i golit në këtë moment për Osmanlisporin në Turqi, sinonim i shpresës për mbijetesë në Superligën turke.

Pas dy golave të shënuar javën e shkuar në Gëztepe, duke e nisur nga stoli, sulmuesi i kombëtares shqiptare e nisi titullar sot në sfidën delikate sërish në transfertë, ndaj Sivasporit.

Vendasit shënuan në pjesën e parë me brazilianin e famshëm Robinjo.

Megjithatë, në minutën e 62-të Cikalleshi gjeti hapësirë në zonë dhe përfitoi nga vendosja e gabuar e mbrojtësit që e mbulonte, duke goditur me kokë dhe duke shënuar golin e barazimit të përkohshëm. Goli i pestë në kampionat për Cikalleshin, por edhe i pesti në vitin 2018, sepse ka shënuar dy gola ndaj Beshiktashit në janar.

Më pas Osmanlispori shënoi me 11-metërsh, por Sivaspori i frikshëm në fushën e vet shënoi dy gola në fundin e takimit, një prej të cilëve Robinjo.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.